“फडणवीसांनी शिंदे गटाचा पद्धतशीर गेम…” आमचे ४० भाऊ उपाशी असल्याचं म्हणत सुषमा अंधारेंची उपरोधिक टोलेबाजी!

“आमचे भाऊ ओवाळून टाकले असले तरी ओवाळणी मागणं आपलं काम आहे” असा टोला सुषमा अंधारेंनी लगावला आहे. त्या औरंगाबाद येथे पत्रकार परिषदेत बोलत होत्या. यावेळी विधानपरिषदेचे विरोधीपक्षनेते अंबादास दानवेही उपस्थित होते.

आणखी वाचा

“त्या मावशींनी मला शिव्यांची लाखोली…”, ‘आई कुठे काय करते’ फेम मिलिंद गवळींनी सांगितला किस्सा

महायुतीला सत्ता मिळाली, लाडक्या बहिणींना २१०० रुपये कधीपासून…

Video: आशू आणि शिवाच्या आयुष्यात दिव्यामुळे नवीन विघ्न? प्रोमो पाहून नेटकऱ्यांनी केली विनंती, म्हणाले, “कृपया आता काही…”

‘इंद्रायणी’ मालिकेत झळकल्यानंतर मुक्ता बर्वेची खास पोस्ट, म्हणाली, “कितीतरी दिवसांनी…”

Video: महाराष्ट्रात वाढताहेत काळे बिबट…

‘अबीर गुलाल’ मालिका बंद होणार असल्याचं कळताच अक्षय केळकरला बसला धक्का, म्हणाला, “मला पुन्हा स्ट्रगल…”

उलटा चष्म: पातेले कलंडलेच..

हेही वाचा- “राज्यपालांचं वय झालंय, आता त्यांना…” शिवरायांबद्दल केलेल्या विधानावरून वसंत मोरेंची खोचक टीका!

यावेळी शिंदे गटाला उद्देशून सुषमा अंधारे म्हणाल्या, “महाप्रबोधन यात्रेच्या माध्यमातून मी त्यांच्या (शिंदे गट) सदसद्विवेकाला हात घालण्याचा प्रयत्न करते. ईडा पिडा टळू दे आणि भावाचं राज्य येऊ दे… असं मी म्हणते. पण माझ्या भावाचं राज्य आलंच नाही. भावाला राज्य आल्याचा केवळ भ्रम तयार करून दिला आहे. त्यांना केवळ पद दिलं आहे, पण अधिकार अजिबात दिले नाहीत. याउलट आपण खात्यांचा विचार केला तर लोकांचा थेट संबंध असलेली सर्व खाती शिंदे गटाकडे दिली आहेत.”

हेही वाचा- Photos: “…तर आम्हाला भावपूर्ण श्रद्धांजली वाहावी लागली असती” बंडखोरीबाबत गुलाबराव पाटलांचं मोठं विधान

“म्हणजे अलीकडे सात प्रकल्प महाराष्ट्राबाहेर गेले आहेत. यावरून युवा वर्ग चिडला आणि त्यांनी प्रश्न विचारायला सुरुवात केली तर ते कुणाला प्रश्न विचारतील, ते सहाजिकच उदय सामंतांना प्रश्न विचारतील. शेतकऱ्यांचा प्रश्न उद्भवला तर ते कुणाला प्रश्न विचारतील? ते आमच्या अब्दुलभाईला विचारतील. याच्यात देवेंद्र फडणवीसांचं काहीही नुकसान होत नाही. फडणवीसांनी पद्धतशीर शिंदे गटाचा गेम करायचं ठरवलं आहे. सर्व मलिदेची खाती देवेंद्र फडणवीसांकडे आहेत. वित्त, जलसंधारण, जलसंपदा, गृह खातंही त्यांच्याकडे आहे. हे कमी होतं म्हणून की काय फडणवीसांनी सहा जिल्ह्यांचे पालकमंत्रीपदं आणि उपमुख्यमंत्रीपदही आपल्याकडे घेतलं आहे. म्हणजे माझे चाळीस भाऊ उपाशी आणि एकटे देवेंद्र फडणवीस तुपाशी आहे. यामुळे मला भावांची काळजी वाटते” अशी उपरोधिक टीका सुषमा अंधारेंनी केली आहे.