छत्रपती संभाजीनगर – एका धार्मिक कार्यक्रमात दुसऱ्या धर्मातील धर्मगुरुबद्दल वादग्रस्त विधान केल्याच्या निषेधार्थ गुरुवारी रात्री उशिरा एका गटाकडून गंगापूर, वैजापूर, खंडाळा येथे टायर जाळून जोरदार निदर्शने करण्यात आली. दरम्यान, या संदर्भाने वादग्रस्त विधानाची प्रसारित झालेली चित्रफित अन्य भागातील असून अफवांवर विश्वास ठेऊ नये, असे आवाहन ग्रामीण पोलिसांकडून करण्यात आले आहे.
वैजापूर येथील डॉ बाबासाहेब आंबेडकर चौकात रास्ता रोको आंदोलन केले. त्यामुळे वाहतूक विस्कळित झाली. वादग्रस्त वक्तव्य करणाऱ्यावर धार्मिक व्यक्तीविरुद्ध गुन्हा दाखल करा. अशी मागणी आंदोलनकर्त्यांनी केली. खंडाळा व गंगापूर येथेही आंदोलन करण्यात आले. घटनास्थळी पोलीस अधीक्षक डॉ विजयकुमार राठोड, अतिरिक्त पोलीस अधीक्षक सुनील लांजेवार, सहाय्यक पोलीस अधीक्षक महक स्वामी, पोलीस निरीक्षक श्यामसुंदर कौठाळे यांनी घटनास्थळी भेट दिली. वातावरण तणावपूर्ण पण शांततेत असल्याचे सांगण्यात आले.
© The Indian Express (P) Ltd
