‘वंदे भारत’च्या डबेनिर्मितीसाठी सप्टेंबरचा मुहूर्त

या कारखान्यासाठी ३५१ एकर जागा देण्यात आली असली, तरी पहिल्या टप्प्यात ११० एकरात काम उभे केले जाईल. त्यात १५.६ एकरावर प्रत्यक्ष कारखाना असणार आहे. डबे बनविण्यासाठी आवश्यक असणारे गोदाम, सुटे भाग जुळविण्याची जागा, चाचणीसाठीचे मार्ग, डब्यांना रंग देण्याची कामे कोठे होतील, याचे नकाशे बनवून काम सुरू केले जाईल, असे या कंपनीच्या प्रतिनिधींनी खासदार डॉ. शिवाजी काळगे यांना सांगितले. मात्र हे काम कधी सुरू होईल आणि प्रत्यक्षात डबे कधी बनविले जातील यावर शंका घेतल्या जात आहेत. या प्रकल्पासाठी ८१७ किलोवॉटचा सौर प्रकल्प, ६.५ किलोमीटरचा सिमेंटचा रस्ता, एक वीज उपकेंद्र, डिझेल सेट, सांडपाणी प्रक्रिया केंद्र अशी व्यवस्था करताना अंतर्गत रुळांची लांबी ८.६ किलोमीटर आहे.