बीडच्या पाटोद्यातील घटना: महिलादिनी तरुणीवर अत्याचार; पोलिसावर गुन्हा

पीडित तरुणी ही गेवराई तालुक्यातील असून, घटनेच्या दिवशी ती पुण्यातून पाटोद्यात आली होती. महिला दिनाचा कार्यक्रम असून, त्यासाठी तू ये असे फोनवर बोलून पीडितेला गडकरने बोलावून घेतले होते. पीडिता पाटोद्यात आल्यानंतर तिला दुचाकीवर बसवून एका राष्ट्रीय बँकेजवळच्या घरात नेण्यात आले. तेथे कार्यक्रमाचे कुठलेही दृश्य नव्हते. त्या घरात गेल्यानंतर गडकरने चाळे करण्यास सुरुवात केली. पीडितेला गडकरचा हेतू लक्षात आल्यानंतर तिने ओरडण्याचा प्रयत्न केला. मात्र गडकरने चोरीचा गुन्हा दाखल करण्याची धमकी देत तिच्यावर अत्याचार केला. दुपारी १ वाजता पीडितेने पाटोदा पोलीस ठाणे गाठले. तेथून सायंकाळी पीडितेला वैद्यकीय तपासणीसाठी पाठविण्यात आले.