मयूर रत्नपारखे

मयूर सुर्यकांत रत्नपारखे हे ‘लोकसत्ता ऑनलाइन’मध्ये वरिष्ठ उपसंपादक पदावर कार्यरत आहेत. स्थानिक, राज्यस्तरीतय, राष्ट्रीय, आंतरराष्ट्रीय स्तरावरील राजकीय, सामाजिकसह विविध क्षेत्रांशी निगडीत असणाऱ्या महत्त्वपूर्ण घडामोडींचे ते वार्तांकन करतात. प्रिंट, टीव्ही आणि वेब मीडिया असा एकूण मिळून १२ वर्षांचा पत्रकारिता क्षेत्रातील अनुभव आहे. औरंगाबादेतील देवगिरी महाविद्यालयातून विज्ञान शाखेची पदवी घेतल्यानंतर, डॉ.बाबासाहेब आंबेडकर मराठवाडा विद्यापिठातून त्यांनी पत्रकारितेची पदव्युत्तर पदवी(मास्टर ऑफ जर्नालिझम) मिळवलेली आहे. औरंगाबादमधील स्थानिक वृत्तवाहिनी ‘एमसीएन न्यूज’येथून वार्ताहार पदापासून त्यांनी पत्रकारितेच्या कामाला सुरुवात केली. यानंतर पत्रकारितेचे शिक्षण सुरू असतानाच ‘देवगिरी तरुण भारत’ दैनिकात वार्ताहार म्हणून रूजू झाले. पुढे ते ‘दैनिक भास्कर’ समुहाचे ‘दैनिक दिव्य मराठी’ वृत्तपत्र समुहात संपादकीय सहायक म्हणून रूजू झाले आणि नंतर तिथेच उपसंपादक पदावर त्यांची निवड झाली. यानंतर औरंगाबादेतच ‘दैनिक पुढारी’मध्ये त्यांना कामाची संधी मिळाली तिथे त्यांनी फ्रंट पेज, जिल्हा डेस्क, आर्थिक घडामोडींच्या बातम्या आदी जबाबदारी सांभाळली. पुण्यात आल्यानंतर सर्वप्रथम ते ‘दैनिक केसरी’ येथे उपसंपादक पदावर रूजू झाले. यानंतर फार अल्पकाळ पुण्यात ‘दैनिक पुढारी’मध्येही वरिष्ठ उपसंपादक म्हणून त्यांनी काम केल्यानंतर ते ‘लोकसत्ता ऑनलाइन’मध्ये वरिष्ठ उपसंपादक म्हणून २०१९मध्ये रूजू झाले. राज्यासह देशातील राजकीय घडामोडींमध्ये त्यांना विशेष रस आहे. याशिवाय, कॅमेरासमोर लाईव्ह रिपोर्टिंगचा अनुभव असल्याने अशाप्रकारे बातम्या करण्यासही आवडतात. महाविद्यालयीन काळात एनसीसी, नाटक, क्रिकेट संघातही त्यांचा सहभाग होता. नवीन व्यक्तींशी संवाद साधणे, नवीन ठिकाणी भेटी देणे, गाणी ऐकणे आदींची आवड आहे. मयूर रत्नपारखे यांना इथे दिलेल्या सोशल मीडिया हॅण्डलवर फॉलो करू शकता अथवा इमेलवर संपर्क साधू शकता.