Bajaj Auto November 2024 Sales Figures: ऑटो क्षेत्रातील आघाडीची दुचाकी निर्माता कंपनी बजाजची पल्सर ग्राहकांना खूप आवडते. याच कंपनीने आता नोव्हेंबर २०२४ महिन्याचा विक्री अहवाल प्रसिद्ध केला आहे. यामध्ये कंपनीने केवळ एका महिन्यात चक्क ४ लाखांहून अधिक गाड्या विकल्या आहेत. बजाज ऑटो लिमिटेडने सोमवारी नोव्हेंबर 2024 मध्ये निर्यातीसह एकूण वाहनांच्या विक्रीत ५ टक्के वार्षिक वाढ नोंदवली आहे.बजाज ऑटो लिमिटेडने जारी केलेल्या आकडेवारीनुसार, कंपनीने गेल्या महिन्यात म्हणजेच नोव्हेंबरमध्ये ४ लाख २१ हजार ६४० वाहनांची विक्री केली आहे. हा आकडा गेल्या वर्षीच्या तुलनेत ५ टक्क्यांनी अधिक आहे. नोव्हेंबर २०२३ मध्ये हा आकडा ४ लाख ३ हजार ३ होता. तुमच्या माहितीसाठी, या आकडेवारीमध्ये देशांतर्गत बाजारपेठ आणि निर्यात या दोन्हींची विक्रीचा समावेश आहे.

या बातमीसह सर्व प्रीमियम कंटेंट वाचण्यासाठी साइन-इन करा
Skip
या बातमीसह सर्व प्रीमियम कंटेंट वाचण्यासाठी साइन-इन करा

कंपनीच्या स्टेटमेंटमध्ये, पुणेस्थित ऑटोमेकरने गेल्या वर्षी याच महिन्यात ४,०३,००३ युनिट्सची विक्री केली. ऑक्टोबर २०२४ मध्ये, व्यावसायिक वाहनांसह एकूण देशांतर्गत विक्री ७ टक्क्यांनी घसरून २,४०,८५४ युनिट्सवर आली, जी गेल्या वर्षी याच महिन्यात २,५७,७४४ युनिट्सची विक्री झाली होती.

आणखी वाचा

नोव्हेंबर २०२४ मध्ये, एकूण दुचाकींचे प्रमाण (देशांतर्गत आणि निर्यात) ३,६८,०७६ युनिट्सवर पोहोचले, जे मागील वर्षी याच महिन्यात विकल्या गेलेल्या ३,४९,०४८ युनिट्सच्या तुलनेत ५ टक्क्यांनी वाढले, असे बजाज ऑटोने म्हटले आहे.

हेही वाचा >> या आहेत देशातील सर्वात स्वस्त इलेक्ट्रिक कार; फूल चार्जमध्ये मिळेल २३० किमीपर्यंत रेंज; किंमत ऐकून विश्वास बसणार नाही

दुचाकी निर्यातीत दर-वर्षीच्या तुलनेत २६ टक्के वाढ

दरम्यान, देशांतर्गत दुचाकी विक्री नोव्हेंबर २०२३ मध्ये २,१८,५९७ युनिट्सवरून ७ टक्क्यांनी घसरून २,०३,६११ युनिट्सवर आली. निवेदनात नमूद करण्यात आले आहे की दुचाकी निर्यातीत वर्ष-दर-वर्षाच्या तुलनेत २६ टक्के वाढ नोंदवली गेली आहे, जी नोव्हेंबर २०२४ मध्ये १,६४,४६५ वाहनांवर पोहोचली आहे, जी एका वर्षापूर्वी १,३०,४५१ युनिट्सच्या तुलनेत होती. दरम्यान, बजाज ऑटोने नोंदवलेल्या अहवालानुसार, नोव्हेंबर २०२४ मध्ये एकूण व्यावसायिक वाहनांची विक्री (निर्यातीसह) १ टक्क्यांनी घसरून ५३,५६४ युनिट्सवर आली आहे, जी मागील वर्षी याच महिन्यात ५३,९५५ युनिट्स होती.