Bajaj Pulsar NS 125 vs TVS Raider: स्टाईल, स्पीड, मायलेज आणि किमतीत कोणती एन्ट्री लेव्हल स्पोर्ट्स बाईक चांगली? जाणून घ्या

जर तुम्हाला किमान बजेटमध्ये एन्ट्री लेव्हल स्पोर्ट्स बाईक खरेदी करायची असेल तर या विभागातील दोन लोकप्रिय बाईक्सचे संपूर्ण डिटेल्स येथे जाणून घ्या ज्या त्यांच्या डिझाइन, वेग, मायलेज आणि किमतीसाठी पसंत केल्या जातात.

या एन्ट्री लेव्हल स्पोर्ट्स बाईकच्या तुलनेसाठी आज आमच्याकडे बजाज पल्सर NS125 आणि TVS Raider आहेत, ज्यामध्ये तुम्हाला या दोन्हींचे इंजिन आणि मायलेजची संपूर्ण माहिती मिळेल.

Bajaj Pulsar NS 125: बजाज पल्सर NS125 ही स्पोर्ट्स बाईक विभागातील एक लोकप्रिय एन्ट्री लेव्हल बाईक आहे जी तिच्या डिझाइन आणि वेगासाठी चांगलीच पसंतीस उतरली आहे.

आणखी वाचा : मोठ्या कुटुंबासाठी केवळ ४ लाखांमध्ये ७ सीटर Maruti Ertiga, वाचा ऑफर

या बाईकमध्ये कंपनीने १२४.४ सीसीचे सिंगल सिलिंडर इंजिन दिले आहे. हे इंजिन ११.९९ पॉवर आणि ११ Nm चा पीक टॉर्क जनरेट करते. या इंजिनसोबत ५ स्पीड गिअरबॉक्स देण्यात आला आहे.

बाईकच्या मायलेजबद्दल कंपनीचा दावा आहे की, ही बाईक ६४,७५ किलोमीटर प्रति लीटर मायलेज देते आणि हे मायलेज ARAI ने प्रमाणित केले आहे. Bajaj Pulsar NS125 ची सुरुवातीची किंमत १,०३,२०६ रुपये (एक्स-शोरूम, दिल्ली) पासून सुरू होते जी ऑन रोड असताना १,२१,४१२ रुपयांपर्यंत जाते.

TVS Raider: टीव्हीएस रायडर ही एक अद्वितीय डिझाइन केलेली एन्ट्री-लेव्हल स्पोर्ट्स बाईक आहे जी तिच्या डिझाईन आणि किंमत तसंच वेगासाठी चांगली आहे.

आणखी वाचा : Maruti Suzuki Car Discount July 2022: ‘या’ गाड्यांवर बंपर डिस्काउंट, जाणून घ्या कोणती कार घेणं फायदेशीर ठरेल?

या बाईकमध्ये १२४.८ सीसीचे सिंगल सिलेंडर इंजिन आहे. हे इंजिन ११.३८ PS ची पॉवर आणि ११.२ Nm चा पीक टॉर्क जनरेट करते. कंपनीने या इंजिनसोबत ५ स्पीड गिअरबॉक्स दिला आहे.

मायलेजबाबत TVS मोटर्सचा दावा आहे की, TVS Raider ६७ kmpl चा मायलेज देते आणि हे मायलेज ARAI द्वारे प्रमाणित केले गेले आहे. TVS Raider ची सुरुवातीची किंमत ८४,५७३ रुपये (एक्स-शोरूम, दिल्ली) आहे जी टॉप मॉडेलवर ९,०२,९८९ रुपयांपर्यंत जाते.