BMW First Electric Scooter : इलेक्ट्रिक वाहनांची वाढती मागणी पाहता, कंपन्या नवनवीन गाड्या मार्केटमध्ये आणत आहे. त्यामुळे तुम्ही नवीन Electric Scooter खरेदी करण्याचा विचार करीत असाल, तर थोडे थांबा. पुढच्या महिन्यात तुमच्यासाठी एक नवीन इलेक्ट्रिक स्कूटर लाँच होणार आहे. BMW आता आपली पहिली इलेक्ट्रिक स्कूटर (BMW CE 04) भारतीय बाजारात लाँच करणार आहे. ही स्कूटर जबरदस्त लूकसह बाजारात येणार आहे. ही स्कूटर २४ जुलै रोजी लाँच होणार आहे. हे इलेक्ट्रिक वाहन भारतीय बाजारपेठेत त्याच्या वैशिष्ट्यांसह दाखल होणार आहे. एका चार्जमध्ये १३० किमी जाणार BMW च्या या इलेक्ट्रिक स्कूटरमध्ये ८.९ kWh चा बॅटरी पॅक आहे. कंपनीचा दावा आहे की, या बॅटरी पॅकमुळे ही स्कूटर एका चार्जिंगमध्ये १३० किलोमीटर अंतर कापू शकते. ही स्कूटर ३१ kW टॉर्क जनरेट करते; ज्यामुळे ही स्कूटर फक्त २.६ सेकंदांत ० ते ५० किमी प्रतितास वेग पकडू शकते. या स्कूटरचा टॉप स्पीड २० किमी प्रतितास आहे. किंमत किती असेल? BMW ने C 400 GT बाजारात लाँच केली होती; ज्याची एक्स-शोरूम किंमत ११.२० लाख रुपये आहे. कंपनी भारतीय बाजारात CE 04 ला दुप्पट किमतीत आणू शकते. कंपनीने या EV चे मुख्य तपशील शेअर केलेले नाहीत. वाहनाशी संबंधित सर्व माहिती लाँचिंगच्या वेळीच समोर येऊ शकते. ही स्कूटर अनेक आलिशान फीचर्ससह बाजारात येऊ शकते. हेही वाचा >>पावसाळ्यात सुरक्षित वाहन चालविण्यासाठी फॉलो करा फक्त ‘या’ पाच टिप्स; अपघात होण्याची चिंता नाही काय आहेत वैशिष्ट्ये BMW CE 04 मध्ये अनेक फीचर्स समाविष्ट करण्यात आली आहेत. या स्कूटरमध्ये तीन राइड मोड देण्यात आले आहेत. तसेच या इलेक्ट्रिक वाहनात ट्रॅक्शन कंट्रोल आणि एबीएसचे वैशिष्ट्य आहे. त्याशिवाय नेव्हिगेशनसाठी ब्ल्यूटूथ कनेक्टिव्हिटीच्या वैशिष्ट्यासह या इलेक्ट्रिक स्कूटरमध्ये TFT डिस्प्लेदेखील उपलब्ध आहे.
