जर्मन कार निर्माता कंपनी बीएमडब्ल्यूने भारतात X6 50 Jahre M Edition’ सादर केले आहे. बीएमडब्‍ल्‍यूच्या ‘एम’ श्रेणीतील वाहने अधिक चालक-केंद्रित आणि बीएमडब्‍ल्‍यूच्या एम विभागाने उत्पादित केलेली उच्च कार्यक्षमता मॉडेल आहेत. बीएमडब्‍ल्‍यूच्या एम विभागाच्या ५०व्या वर्धापन दिनानिमित्त ’50 Zahr M Edition’ तयार करण्यात आली आहे. नवीन स्पेशल एडिशनला कॉस्मेटिक तसेच मेकॅनिकल अपग्रेड्स मिळतात.
डिझाईन
50 Jahre M एडिशनमधील इतर कारप्रमाणे, X6 Jahre M Edition ला BMW Motorsport लोगो आणि M Edition बॅज मिळतो. डिझाईनच्या बाबतीत, X6 50 Jahre M Edition ला अॅल्युमिनाइज्ड किडनी ग्रिल, २०-इंच अलॉय व्हील, रेड ब्रेक कॅलिपर आणि मस्क्यूलर फ्रंट बंपर मिळतात.
या कारमध्ये लेझर एलईडी हेडलाइट्स लावण्यात आले आहेत, ज्याची रेंज ५०० मीटरपर्यंत आहे. दुसरीकडे, कारच्या मागील बाजूस एलईडी टेल लाइट्स, फोर-झोन क्लायमेट कंट्रोल, हरमन कार्डन सराउंड साऊंड सिस्टीम, सॉफ्ट सीट्स, वायरलेस चार्जिंग, पॉवर्ड टेलगेट, डोअर प्रोजेक्टर आणि अनेक फीचर्स देण्यात आले आहेत.
आणखी वाचा : टाटा टियागो दिसणार आता नव्या अवतारात; जाणून घ्या फीचर्स
इंजिन
तांत्रिक सुधारणांच्या बाबतीत, X6 50 Jahre M Edition ला एम ब्रेक कॅलिपर, एम एक्झॉस्ट सिस्टम आणि अडॅप्टिव्ह सस्पेंशन मिळते. हे ३-लीटर इन-लाइन ६-सिलेंडर पेट्रोल इंजिनद्वारे समर्थित आहे जे ३४० bhp पॉवर आणि ४५० एनएम टॉर्क जनरेट करते. ते फक्त ५.५ सेकंदात ०-१०० किमी/ताशी वेग पकडू शकते. त्याचा टॉप स्पीड २५० किमी/तास आहे.
BMW लिमिटेड एडिशन मॉडेलवर दोन पर्यायी बाह्य पॅकेजेस देखील ऑफर करत आहे. पहिले रेसर पॅकेज आहे ज्यामध्ये ब्लॅक साइड डिकल्स आणि रियर स्पॉयलर समाविष्ट आहे, तर दुसरे मोटरस्पोर्ट्स पॅकेज आहे ज्यामध्ये कार्बन फायबर विंग मिरर आणि अल्कंटारा-फिनिश की फोब समाविष्ट आहे.
किंमत
भारतीय बाजारात BMW X6 ’50 Jahre M Edition’ ची एक्स-शोरूम किंमत १.११ कोटी रुपये निश्चित करण्यात आली आहे. कंपनीने लॉन्चसोबतच बुकिंगही सुरू केले आहे. BMW X6 ’50 Jahre M Edition’ साठी बुकिंग फक्त ऑनलाइन वेबसाइटवरूनच करता येईल. BMW कारची ही विशेष आवृत्ती मर्यादित संख्येत विकणार आहे.
