फ्रेंच वाहन निर्माती कंपनी रेनॉल्ट इंडियाने भारतीय ग्राहकांसाठी मोठ्या डिस्काउंट ऑफर आणल्या आहेत. नोव्हेंबर २०२२ या महिन्यात, ग्राहकांना भरपूर डिस्काउंट मिळवता येणार आहे. नवीन रेनॉल्ट कार खरेदीवर ३५,००० रुपयांपर्यंत सूट मिळणार आहे. यामध्ये रेनॉल्ट क्विड, रेनॉल्ट कायगर आणि रेनॉल्ट ट्रायबर या गाड्यांचा समावेश असून कंपनीने या कारच्या खरेदीवर या ऑफर जारी केल्या आहेत. कंपनीच्या ऑफरमध्ये रोख सवलत, एक्सचेंज बोनस, कॉर्पोरेट सूट आणि ग्रामीण सवलत यांचा समावेश आहे. कंपनीची ही ऑफर सर्व मॉडेल्ससाठी ३० नोव्हेंबरपर्यंत वैध आहे.
- रेनॉल्ट ट्रायबर
रेनॉल्ट ट्रायबर ही भारतीय कार बाजारपेठेतील एकमेव सब ४m एमपीव्ही कार आहे. या कारमध्ये सात प्रवासी सहज बसू शकतात. कंपनी या कारवर या महिन्यात एकूण ३५,००० रुपयांची सूट देत आहे. यामध्ये १०,००० रुपयांची रोख सवलत आणि १५,००० रुपयांचा एक्सचेंज बेनिफिट आणि १०,००० रुपयांची कॉर्पोरेट सूट दिली जात आहे. त्याचबरोबर ही कार ५९९९ रुपयांच्या ईएमआय मध्ये उपलब्ध करून दिली जात आहे.
आणखी वाचा : Toyota Innova HyCross २५ नोव्हेंबरला होणार लाँच; नवीन टीझर रिलीज, एकदा टीझरमध्ये पहा कारचा भन्नाट लूक!
मराठी अभिनेत्याने ३० व्या वाढदिवशी घेतली नवीन गाडी! नव्या कारचं नाव ठेवलंय खूपच खास, फोटो शेअर करत म्हणाला…
IND vs NZ : ऋषभ पंतच्या वादग्रस्त विकेटवर…
Jio Diwali Dhamaka Offer : जिओच्या ‘या’ दोन रिचार्जवर मिळणार डिस्काउंट कूपन; ३,३५० रुपयांच्या फायद्यासाठी कूपन कसं मिळवायचं ते बघा
Petrol Diesel Price Changes : पेट्रोल-डिझेलच्या दरात घसरण? वाचा किती रुपयांनी कमी झाला इंधनाचा दर
Diwali Discount On Aprilia Bike : झिरो डाउन पेमेंट, तीन वर्षांची वॉरंटी आणि बरंच काही… दिवाळीत ही खास बाईक खरेदी करण्याची तुमच्याकडे संधी
शहरबात: मर्सिडीज बेंझ, राज्यातील उद्योग पलायन अन् शासकीय यंत्रणा…
Diwali Festival Discounts: हीच आहे TVS iQube खरेदी करण्याची सर्वोत्तम वेळ, आताच करा बुक
एफडीएची दिवाळीनिमित्त खाद्यपदार्थ विक्रेत्यांविरोधात विशेष मोहीम
- रेनॉल्ट क्विड
रेनॉल्ट क्विड दोन इंजिन पर्यायांमध्ये उपलब्ध आहे. कंपनी या हॅचबॅकच्या २०२२ मॉडेलवर या महिन्यात एकूण ३५,००० रुपयांची सूट देत आहे. यामध्ये, रु. १५,००० चे एक्स्चेंज बेनिफिट आणि रु. १०,००० कॉर्पोरेट डिस्काउंट रु. १०,००० कॅश डिस्काउंट आणि स्क्रॅपेज प्रोग्राम अंतर्गत दिले जात आहेत. त्याचबरोबर ग्रामीण भागातील ग्राहकांसाठी ५,००० रुपयांची अतिरिक्त सूट दिली जात आहे. यासोबतच क्विड ४,९९९ रुपयांच्या ईएमआय मध्ये उपलब्ध करून देण्यात आला आहे.
- रेनॉल्ट कायगर
कंपनी या एसयूव्ही वर रु. १०,००० कॉर्पोरेट सवलत आणि स्क्रॅपेज प्रोग्राम अंतर्गत रु. १०,०००चे एक्सचेंज लाभ देत आहे. त्याचबरोबर ग्रामीण भागातील ग्राहकांसाठी अतिरिक्त सवलत दिली जात आहे. कंपनी कायगर ६,९९९ रुपयांच्या ईएमआय वर उपलब्ध करून देत आहे.
