Car tips : दुर्गंधी, घाण वास दूर करतील कॉफीच्या बिया; पाहा सुगंधी गाडीसाठी ‘स्वस्तात मस्त’ अशा टिप्स….

चार चाकी गाडीमध्ये व्यक्ती अगदी आरामात बसून त्याला हवे ते पदार्थ खाऊ शकते. आपण तसे करतोदेखील. परंतु, त्या खाद्यपदार्थांच्या पिशव्या, डबे इत्यादी गोष्टी वेळच्या वेळी बाहेर, कचऱ्याच्या डब्यात टाकून दिल्या नाहीत, तर त्यामधून दुर्गंध येण्यास सुरुवात होते. काही पदार्थांचे लहान लहान कण गाडीत पडून राहतात. अशा वेगवेगळ्या गोष्टींमुळे गाडीमध्ये घाणेरडा वास वा दर्प पसरू शकतो. मात्र, असे न होऊ नये यासाठी आणि वाहन सतत सुगंधी ठेवण्यासाठी काही सोपे आणि स्वस्तातले पर्याय आहेत ते पाहा.

आणखी वाचा

मतदारांना आमिषे दाखविण्यास सुरवात; भाईंदरमध्ये मद्य आणि मासळाची साठा जप्त

Nana Patole : निकालाआधी राजकीय घडामोडींना वेग; यातच…

हिंदी मालिकेच्या सेटवर निशिगंधा वाड यांचा अपघात; तातडीने रुग्णालयात केलं दाखल

Sharad Pawar: “मी बोलायला लागलो की पाऊस येतो आणि निकाल…”, शरद पवारांचं सूचक विधान; पावसातल्या ‘त्या’ सभेची पुन्हा चर्चा!

हळदीच्या पाण्याचे सेवन अन् दुपारच्या जेवणात…; रकुल प्रीत सिंगने सांगितला तिचा डाएट प्लॅन; म्हणाली, “रात्रीचे जेवण…”

१२ नोव्हेंबरपासून चमकणार ‘या’ तीन राशींचे नशीब, मिळणार अपार पैसा अन् धन

आंतरधर्मीय विवाहामुळे सैफ अली खानला मिळाल्या होत्या धमक्या; स्वतः खुलासा करत म्हणालेला, “आमच्या घराजवळ…”

चांगले वागण्याचे नाटक करून डॅडींचा सूर्याला फसविण्याचा प्लॅन; प्रोमो पाहताच नेटकरी म्हणाले, “तुमचं पोरगं आणि तुम्ही…”

हेही वाचा : Car tips : बाईक, कारवर गंज लागू नये यासाठी कोणती काळजी घ्यावी? पहा या चार सोप्या टिप्स…

गाडी सुगंधी ठेवण्याच्या पाच टिप्स

१. एअर व्हेंट्स साफ करणे

गाडीमध्ये असणारे एसी एअर व्हेंट्स जर धुळीने माखले असतील, तर त्यामुळे गाडीत धुळकट हवा आणि दर्प येत राहतो. त्यांमध्ये अनेक जीवजंतूसुद्धा असतात; जे केवळ गाडीसाठीच नव्हे, तर तुम्हालादेखील त्रासदायक ठरू शकतात. हे एअर व्हेंट्स स्वच्छ ठेवण्यासाठी एखाद्या स्पंजचा किंवा कान साफ करणाऱ्या इयरबड्सचा वापर करू शकता. त्यासह जेव्हा एसी वापरात नसेल तेव्हा त्याची फ्लॅप बंद करून ठेवा.

२. कॉफीच्या बियांचा वापर

कॉफे पिऊन जशी तरतरी येते, अगदी त्याचप्रमाणे केवळ कॉफीच्या बियांचा गंधदेखील वातावरण सुगंधी करण्यास फायदेशीर असतो. गाड्यांमध्ये लावले जाणारे फ्रेशनर महाग वाटत असल्यास कॉफीच्या बिया हा अत्यंत सोपा आणि स्वस्त पर्याय आहे. इतकेच नव्हे, तर दुर्गंध किंवा दर्प या बिया शोषून घेऊ शकतात. त्यासाठी एखाद्या कापडामध्ये किंवा पेपरमध्ये या बिया गुंडाळून गाडीमध्ये ठेवा आणि दर आठवड्याला त्या बदलत राहा.

३. इसेन्शियल ऑइलचा वापर

अनेकदा आपण इसेन्शियल ऑइलबद्दल ऐकले आहे. त्याचा वापर शक्यतो सौंदर्यप्रसाधनांमध्ये किंवा त्वचेची काळजी घेण्यासाठी केला जातो. मात्र, हे तेल गाडीमधील दुर्गंध घालवण्यासाठीही उपयोगी असते. या तेलाचे केवळ दोन ते तीन थेंब वाहनाला बऱ्याच काळासाठी सुगंधी आणि प्रसन्न ठेवतात. तुम्ही हे तेल डिफ्युजरमध्ये घालून ठेवू शकता.

हेही वाचा : पेट्रोल पंपावर तुमची फसवणूक तर होत नाही ना? वाहनात पेट्रोल भरताना ‘या’ पाच टिप्स लक्षात ठेवा

४. सेंटेड कँडल्स

सेंटेड कँडल्सना सध्या बाजारात भरपूर मागणी आहे. या सुगंधी मेणबत्त्या मन शांत करण्यासाठी, ध्यान लावून बसण्यासाठी थोडक्यात ‘रिलॅक्स’ करण्यासाठी वापरल्या जातात. मात्र, या मेणबत्त्या तुम्ही तुमच्या गाडीतील डॅशबोर्डवर ठेवल्यात तरीही तुमची गाडी सुगंधी होऊ शकते. डॅशबोर्डवर जेव्हा ऊन पडेल तेव्हा आपोआप त्या उष्णतेने मेण वितळण्यास सुरुवात होईल आणि त्याचा हलकासा गंध गाडीत दरवळत राहील.

५. काचा खाली करणे

सगळ्यात सोपा आणि उपयुक्त उपाय. बराच वेळ गाडीच्या काचा बंद राहिल्यामुळे गाडीत हवा खेळती राहत नाही आणि ताजी हवा आत येत नाही. त्यामुळेही कधीतरी गाडीमध्ये वास भरून राहू शकतो. असे न होण्यासाठी अधूनमधून गाडीच्या सर्व काचा थोड्या वेळासाठी खाली करून ठेवा.

तसेच वेळोवेळी गाडीमधील कचरा, अनावश्यक वस्तू टाकून द्यायला विसरू नका.

वरील टिप्स हिंदुस्थान टाइम्सच्या एका लेखातून मिळाल्या आहेत.