Citroen India देशातील वाहन उत्पादक कंपनी आहे. Citroen India कंपनीने मागील वर्षी जुलै २०२२ मध्ये आपली न्यू C3 लॉन्च केली होती. या हॅचबॅक कारला कंपनीने काही एक्सट्रा फीचर्स देत टॉपिंग शाईन ट्रिमसह अपडेट केले होते. मात्र आता १ जुलै पासून या गाडीच्या किंमतीमध्ये वाढ केली जाणार आहे.
Citroen C3 च्या किंमतीमध्ये कंपनीने १ जुलै पासून वाढ करण्याचा निर्णय घेतला आहे. १ जुलै २०२३ पासून या गाडीची किंमत १७,५०० रुपयांनी वाढणार आहे. जर का तुम्ही Citroen C3 खरेदी करण्याचा प्लॅन करत असाल तर प्रत्येक व्हेरिएंटनुसार नवीन किंमती काय असणार हे जाणून घेऊयात. याबाबतचे वृत्त Financial Express ने दिले आहे.
जून २०२३ : Citroen C3 च्या व्हेरिएंटनुसार असणाऱ्या किंमती
टर्बो पेट्रोल व्हेरिएंटच्या किंमती
Citroen C3 ला कंपनीने Live, Feel ani Shine या तीन ट्रिम पर्यायांमध्ये लॉन्च केले होते. हे तीन ट्रिम अनेक व्हेरिएंटमध्ये बघायला मिळते. पेट्रोल व्हेरिएंटची किंमत ६.१६ लाखांपासून ते ७.८७ लाखांपर्यंत आहे. तर टर्बो पेट्रोल व्हेरिएंटची किंमत ८.२८ लाखांपासून ८.९२ लाखांपर्यंत आहे. आता १ जुलै २०२३ पासून प्रत्येक व्हेरिएंटनुसार या गाडीची किंमत १७,५०० रुपयांनी वाढणार आहे.
इंजिन आणि गिअरबॉक्स
Citroen C3 मध्ये १.२ लिटरची नॅचरली एस्पिरेटेड पेट्रोल इंजिन आहे जे ८१ बीएचपी आणि ११५ एनएम टॉर्क जनरेट करते. यामध्ये टर्बो १.२ लिटरचे टर्बो पेट्रोल इंजिन देखील मिळते. जे १०९ बीएचपी आणि १९० एनएम टॉर्क जनरेट करते. ट्रान्स्मिशनसाठी याला अनुक्रमे ५-स्पीड आणि ६-स्पीड AMT शी जोडण्यात आले आहे.
