Dhananjay Munde Car Accident: भारतीय क्रिकेटपटू ऋषभ पंत याच्या कारला झालेल्या अपघाताच्या चर्चा अजूनही सुरू असतानाच राष्ट्रवादी काँग्रेसचे आमदार धनंजय मुंडे (Dhananjay Munde) यांच्या गाडीला अपघात झाल्याचं वृत्त आलं. या अपघातामध्ये धनंजय मुंडेंना किरकोळ दुखापत झाली असल्याचंही समोर आलं आहे. मंगळवारी रात्री १२.३०च्या सुमारास परळीमधील आझाद चौकात हा अपघात झाला. धनंजय मुंडे यांनी सोशल मीडियावर पोस्ट करत अपघाताबद्दल माहिती दिली. धनंजय मुंडे यांच्या अपघात झालेल्या गाडीचा व्हिडीओ समोर आला.
व्हिडीओमध्ये दिसत आहे की, धनंजय मुंडे यांच्या गाडीचा चक्काचूर झाला आहे. गाडीचं बोनेट पूर्णपणे डॅमेज झालेलं दिसत आहे. चालकाचा वाहनावरील ताबा सुटल्यानं हा अपघात झाला. चक्काचूर झालेली ही गाडी BMW कंपनीची असल्याचे समोर आले आहे. ही लक्झरी कार BMW X7 आहे. या कारनेच धनंजय मुंडेचा अपघात झाला आहे. ही कार आपल्यासाठी किती सुरक्षित आहे, चला तर जाणून घेऊया.
BMW X7 कशी आहे ही कार?
BMW X7 ही एक लग्झरी एसयूव्ही आहे. xDrive40i M स्पोर्ट आणि X7 चं टॉप-एंड व्हेरियंट आहे. या कारची किंमत २ कोटीच्या घरात आहे. ही एक्स शोरूममधील किंमत आहे. हे टॉप-एंड मॉडेल ६ एअरबॅग्ज, फॉरवर्ड कोलिजन वॉर्निंग, ऑटोमॅटिक इमर्जन्सी ब्रेकिंग, हाय-बीम असिस्ट, सीट बेल्ट वॉर्निंग यांसारख्या सुरक्षा फीचर्ससह येते.
हे ही वाचा << फुल चार्ज केल्यानंतर ३०० किलोमीटरपर्यंतची रेंज देणारी Tata ची ‘ही’ इलेक्ट्रिक कार फक्त ‘इतक्या’ रुपयात
BMW X7 पॉवरफुल इंजिन
या कारमध्ये कंपनीने ३.० लीटर टर्बोचार्ज्ड पेट्रोल इंजिन दिलं आहे. हे इंजिन ३४० एचपी पॉवर आणि ४५० न्युटन मीटर टॉर्क जनरेट करू शकतं. तसेच यात दुसऱ्या ३.० लीटर डिझेल इंजिनचा पर्याय देण्यात आला आहे. हे इंजिन २६५ एचपी पॉवर आणि ६२० न्युटन मीटर टॉर्क जनरेट करतं.
२४५ किमी प्रतितास इतका वेग
पेट्रोल इंजिनसह या कारचं टॉप स्पीड २४५ किमी प्रति तास इतका आहे. ही कार ६.१ सेकंदात ० ते १०० किमी प्रति तास इतका वेग धारण करते. डिझेल इंजिनसह ही कार २२७ किमी प्रति तास इतक्या वेगाने धावते. ही कार ७ सेकंदात ० ते १०० किमी प्रति तास इतका वेग धारण करते. दोन्ही इंजिन ८ स्पीड ऑटोमॅटिक गिअरबॉक्ससह येतात.
