Dhantrayodashi And Diwali Car Discount: येत्या धनत्रयोदशी व दिवाळीच्या मुहूर्तावर जर आपण नवी गाडी घेण्याच्या विचारात असाल तर आपल्यासाठी तीन बेस्ट ऑफर आज आम्ही सांगणार आहोत. भारतीय कुटुंबाची गरज लक्षात घेऊन आपण आज SUVs च्या भन्नाट डील पाहणार आहोत. महिंद्रा व ह्युंदाई या विश्वसनीय कंपनीकडून ग्राहकांसाठी येत्या दिवाळीच्या निमित्ताने आपल्या क्लासिक SUVs वर तब्बल ३ लाखांपर्यंतची सूट देण्यात येत आहे. या SUVs वर उपलब्ध असणाऱ्या ऑफर्स विषयी सविस्तर माहिती पाहुयात…

आर्काइव्हमधील सर्व बातम्या मोफत वाचण्यासाठी कृपया रजिस्टर करा
ई-मेल द्या, नी साइन-अप करा
Already have a account? Sign in

महिंद्रा अल्टुरस जी 4 (Mahindra Alturas G4)

दिवाळीच्या निमित्ताने महिंद्रा कंपनीच्या महिंद्रा अल्टुरसच्या खरेदीसह आपल्याला तब्बल ३ लाख रुपये वाचवण्याची संधी मिळत आहे. अल्टुरस जी4 या मॉडेलवर २ लाख २० हजाराचे कॅश डिस्काउंटकंपनीतर्फे देण्यात येणार आहे. तर ग्राहकांना गाडीसह २० हजार रुपये किमतीच्या ऍक्सेसरीजही मोफत देण्यात येतील. प्राप्त माहितीनुसार कंपनीतर्फे ११ हजार ५०० रुपयांचे कॉर्पोरट डिस्काउंटसुद्धा दिले जाणार आहेत. तसेच आपण जर आपली जुनी गाडी बदलून नवी घेऊ इच्छित असाल तर आपल्याला ५ हजाराचा एक्सचेंज बोनस व अतिरिक्त ४४ हजार ५०० रुपयांचे लाभ सुद्धा मिळवता येणार आहेत.

महिंद्रा स्कोर्पियो क्लासिक (Mahindra Scorpio Classic)

महिंद्रा स्कॉर्पियो क्लासिक ही महिंद्रा कंपनीची सर्वाधिक विक्री होणाऱ्या गाड्यांपैकी एक आहे. कंपनीतर्फे येत्या सणाच्या निमित्ताने या क्लासिक SUV वर २ लाख ९० हजार रुपये पर्यंत डिस्काउंट देण्यात येत आहे. कंपनीतर्फे अलीकडे महिंद्रा स्कॉर्पियो एन ही नवी गाडी लाँच करण्यात आली असून त्यावर मात्र ही सूट लागू नसेल. महिंद्रा स्कॉर्पियो क्लासिकवर १ लाख ७५ हजाराचे कॅश डिस्काउंट तसेच २० हजार रुपयांच्या कार ऍक्सेसरीज देण्यात येणार आहेत. जुन्या गादीवर १० हजार रुपयांचा एक्स्चेंज बोनस व ४ हजार रुपयांचे कॉर्पोरेट डिस्काउंट सुद्धा आपण मिळवू शकता.

दिवाळीत ७७ रुपयांच्या EMI वर खरेदी करा नवीकोरी Bajaj CT 110X Bike; पहा भन्नाट फीचर व स्वस्त प्लॅन

ह्युंदाई कोना इलेक्ट्रिक (Hyundai Kona Electric)

ह्युंदाई कंपनीच्या या इलेक्ट्रिक एसयुव्हीवर ग्राहकांना १ लाख रुपये वाचवण्याची संधी मिळणार आहे. या इलेक्ट्रिक कारवर कंपनी थेट १ लाख रुपयांचे कॅश डिस्काउंट देणार आहे. यामध्ये कोणत्याही एक्स्चेंज बोनस किंवा अन्य ऑफर्स उपलब्ध नसतील. इलेक्ट्रिक वाहनांमध्ये सध्या ह्युंदाईच्या कारचे रिव्हह्युज उत्तम आहेत.

First published on: 18-10-2022 at 16:39 IST
TOPICSऑटो न्यूजAuto NewsऑटोमोबाइलAutomobileदिवाळी २०२४Diwali 2024महिंद्राMahindra
मराठीतील सर्व ऑटो बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.
Web Title: Dhanteras and diwali car discount save 3 lakhs on new mahindra alturas mahindra scorpio and hyundai electric suvs svs