Honda Diwali Sale: होंडाची कार खरेदी करण्यासाठी ही सर्वोत्तम वेळ असू शकते. होंडाच्या नवीन फेस्टिव्हल ऑफरसह या सणासुदीला जे कार घेण्याचा विचार करत आहेत, त्यांना ही चालून आलेली संधी आहे.
होंडा त्याच्या फ्लॅगशिप, सिटी ई:एचईव्ही हायब्रिडसह संपूर्ण पोर्टफोलिओवर बंपर डील देत आहे. ऑक्टोबरच्या बोनान्झा व्यतिरिक्त, जपानी फोर व्हिलर कंपनी एलिव्हेट पाचव्या जनरेशनची सिटी, अमेझ आणि हायब्रिड सिटीवर इंडस्ट्री- फर्स्ट सात वर्षांची विस्तारित वॉरंटी देत आहे; तरी ग्राहकांनी हे लक्षात ठेवले पाहिजे की सवलत दर डीलरशिप आणि शहरांनुसार भिन्न असतात आणि कार मॉडेलच्या उपलब्धतेवर आधारित असतात.
होंडा सिटी (Honda City)
MRP : 12.08 लाख रुपयांपासून, एक्स-शोरूम
सवलत : 1.14 लाखांपर्यंत
अधिकृत Honda Cars वेबसाइटवर आधारित, 5th-gen City 1.14 लाख रुपयांच्या सवलती देत आहे. जर एखाद्याकडे उत्कृष्ट वाटाघाटी कौशल्य असेल तर त्यांना चांगले फायदे मिळू शकतात. सिटी 1.5-लिटर NA पेट्रोल इंजिनद्वारे समर्थित आहे आणि 6-स्पीड मॅन्युअल किंवा CVT सह पेअर केले आहे.
होंडा अमेझ (Honda Amaze)
MRP : 7.20 लाख रुपयांपासून, एक्स-शोरूम
सवलत : 1.12 लाखांपर्यंत
होंडा त्याच्या संपूर्ण अमेझ लाईनअपवर सवलत देत आहे, ज्यात टॉप व्हेरियंट VX आणि VX Elite आहेत, जे रु. १.१२ लाखपर्यंतची मोठी ऑफर देतात. मिड आणि एंट्री-लेव्हल ट्रिम, S आणि E, अनुक्रमे रु. ९२,००० आणि रु. ८२,००० पर्यंतच्या डीलसह येतात. होंडा या कमी किमती देऊ करत आहे, कारण पुढच्या जनरेशनमधील अमेझ लवकरच पदार्पण करणार आहे आणि त्याच्या नेमेसिस, मारुती सुझुकी डीझायरला टक्कर देईल.
होंडा सिटी ई:एचईव्ही (Honda City e:HEV)
MRP: 19 लाख रुपयांपासून सुरू होणारी, एक्स-शोरूम
सवलत: 90,000 रुपयांपर्यंत
होंडाची फ्लॅगशिप गाडी, सीटी हायब्रिड ही 90,000 रुपयांपर्यंतच्या सवलतीसह उपलब्ध आहे. व्हेरिएंटच्या आधारावर ही डील वेगवेगळी असेल. City e:HEV 1.5-लिटर, चार-सिलेंडर, ऍटकिन्सन सायकल पेट्रोल इंजिन आणि दोन इलेक्ट्रिक मोटर्सद्वारे समर्थित आहे. तसेच ही कार ई-सीव्हीटी ट्रान्समिशनसह येते.
होंडा एलिव्हेट (Honda Elevate)
MRP: 11.91 लाख रुपयांपासून, एक्स-शोरूम
सवलत: 75,000 हजारांपर्यंत
होंडा एलिव्हेट, 75,000 रुपयांपर्यंत सवलतीसह उपलब्ध आहे. Honda ने अलीकडेच Elevate Apex Edition लाँच केली आहे, जी फीचर्सने परिपूर्ण आहे आणि त्याची किंमत १२.८६ लाख रुपये (एक्स-शोरूम) आहे. स्टँडर्ड आणि एपेक्स एडिशन दोन्ही 1.5-लिटर पेट्रोल इंजिनद्वारे समर्थित आहेत आणि मॅन्युअल आणि CVT दोन्हीमध्ये उपलब्ध आहेत.
दिवाळी सेल: सात वर्षांची एक्स्टेंडेड वॉरंटी (Diwali Sale: 7-year extended warranty)
होंडाने इंडस्ट्री-फर्स्ट एक्स्टेंडेड वॉरंटी प्रोग्राम सादर केला आहे, जो सात वर्षांपर्यंत अमर्यादित किलोमीटर कव्हरेज ऑफर करतो. ही एक्स्टेंडेड वॉरंटी Elevate, City, City e:HEV आणि Amaze वर दिली आहे. शिवाय जर ग्राहकाने पूर्वी एक्स्टेंडेड वॉरंटी प्रोग्रामसाठी सबस्क्राईब केलं असेल तर होंडा हा कार्यक्रम Civic, Jazz आणि WR-V लादेखील ऑफर करत आहे. लक्षात घेणे महत्त्वाचे आहे की, ही एक ट्रान्स्फरेबल वॉरंटी आहे, जी वाहनाचे पुनर्विक्री मूल्य वाढवेल.
