Upcoming Bike: प्रसिद्ध दुचाकी उत्पादक कंपनी Ducati च्या बाईक जगभरात प्रसिद्ध आहेत. या कंपनीच्या बाईक आपल्या पॉवरफुल इंजिन आणि लूकसाठी पसंद केल्या जातात. अशातच कंपनीने आता या २०२३ वर्षासाठी आपल्या नव्या सुपरबाईकची घोषणा केली आहे. इटालियन सुपरबाईक कंपनी डुकाटीने सांगितले की ती २०२३ मध्ये भारतीय बाजारपेठेत आपल्या नऊ सुपरबाइक सादर करणार आहे, ज्यांची किंमत १०.३९ लाख ते ७२ लाख रुपयांच्या दरम्यान असण्याचा अंदाज आहे.
‘या’ सुपरबाईक येणार तुमच्या भेटीला
या वर्षी भारतीय रस्त्यावर उतरणाऱ्या मॉडेल्समध्ये Panigale V4 R, Monster SP, DeVille V4, Streetfighter V4 SP2, Multistrada V4 Rally, Scrambler Icon 2G, Scrambler Full Throttle 2G, Scrambler Nightshift 2G आणि Streetfighter V4 Lamborghi चा समावेश आहे.
यातील सर्वात महागडी बाईक Streetfighter V4 Lamborghini असणार आहे, ज्याची किंमत ७२ लाख रुपये असेल. डुकाटी इंडियाचे व्यवस्थापकीय संचालक बिपुल चंद्रा म्हणाले की, गेल्या वर्षी कंपनीच्या विक्रीत वाढ १५ टक्के होती आणि तिचा महसूलही गेल्या पाच वर्षांत सर्वाधिक होता.
(हे ही वाचा : ‘या’ आलिशान कारची भारतात डिमांड; खरेदीसाठी लोकांनी लावल्या रांगा, झाली ‘रेकॉर्ड ब्रेक’ विक्री )
एक डीलरशिप जानेवारीपासून चंदीगढमध्ये सुरू होईल आणि दुसरी डीलरशिप पहिल्या तिमाहीत अहमदाबादमध्ये सुरू होईल. कंपनीने सांगितले की, दुसऱ्या तिमाहीच्या सुरुवातीला मॉन्स्टर एसपी १५.९५ लाख रुपयांच्या अंदाजे किंमतीसह बाजारात सादर केले जाईल, त्यानंतर Panigale V4 R, ज्याची किंमत ६९.९९ लाख रुपये असेल.
देशात दुचाकींची विक्री कमी
देशात कारची विक्री वाढत आहे, तर बाईक आणि स्कूटरच्या विक्रीत घट झाली आहे. हिरो मोटोकॉर्पच्या विक्रीत गेल्या वर्षी किरकोळ घट झाली तर बजाज ऑटोच्या विक्रीत २२ टक्क्यांनी घट झाली. त्याचप्रमाणे TVS मोटरच्या विक्रीतही ३.३ टक्के घट झाली आहे.
