Flashback 2021: या वर्षात करोना संकट असूनही ऑटो क्षेत्रानं भरारी घेतली! देशात या गाड्यांची सर्वाधिक विक्री

मारुती सुझुकी वेगनआर- या वर्षात मारुती सुझुकीची वेगनआर गाडीची सर्वाधिक विक्री झाली. या गाडीची एक्स शोरुम किंमत ४.९३ लाख आहे. कारमध्ये ११९७ सीसी इंजिन आहे. ही गाडी पेट्रोलवर २१.७९ किमीचा मायलेज देते. कंपनीने या वर्षात म्हणजेच जानेवारी २०२१ ते नोव्हेंबर २०२१ या कालावधीत १.७४ लाख युनिट्स विकले.

मारुती सुझुकी आल्टो- मारुती सुझुकीच्या आल्टो गाडीला सर्वाधिक मागणी आहे. वॅगनआर नंतर सर्वाधिक मागणी आल्टोला गाडीला आहे. एक फॅमिली कार आणि खिशाला परवडणारी कार म्हणून या गाडीकडे पाहिलं जातं. कंपनीने नोव्हेंबरपर्यंत १.६२ लाख गाड्या विकल्या आहेत. ही गाडी सीएनजी आणि पेट्रोल व्हेरियंटमध्ये उपलब्ध आहे. या गाडीची एक्स शोरुम किंमत ३.१५ लाख आहे.

मारुती सुझुकी बलेनो- या वर्षात सर्वाधिक विक्री झालेली तिसरी कार आहे. बलेनोची सुरुवातीची किंमत ५.९९ लाख रुपये (एक्स-शोरूम) आहे. कारचे इंजिन ११९७ सीसी आहे, जे ८८.५ बीएचपी कमाल पॉवर जनरेट करू शकते. कंपनीने एकूण १.५५ लाख युनिट्सची विक्री केली आहे.

मारुती सुझुकी स्विफ्ट– मारुती सुझुकी स्विफ्ट या यादीत चौथ्या क्रमांकावर आहे. स्विफ्टची सुरुवातीची किंमत ५.८५ लाख रुपये (एक्स-शोरूम) आहे. यात ११९७ सीसीचे इंजिन आहे. कंपनीने मारुती सुझुकी स्विफ्टच्या एकूण १.५१ लाख युनिट्सची विक्री केली आहे.

मारुती सुझुकी इको- मारुती सुझुकी पाचव्या क्रमांकावर आहे. ही ७ सीटर एमपीव्ही आहे. कंपनीने त्याचे सुमारे १ लाख युनिट्स विकले आहेत. इकोची सुरुवातीची किंमत ४.३८ लाख रुपये (एक्स-शोरूम) आहे.