Electric Scooters: सध्या जमाना इलेक्ट्रिक वाहनांचा आहे. इलेक्ट्रिक कारबरोबरच इलेक्ट्रिक स्कूटर देखील ग्राहकांमध्ये लोकप्रिय होत आहेत. त्यामुळे इलेक्ट्रिक वाहनांची मागणीदेखील वाढते आहे. दुचाकी क्षेत्रातील इलेक्ट्रिक वाहन उत्पादकांनी वर्ष २०२२ मध्ये त्यांच्या इलेक्ट्रिक स्कूटरची बंपर विक्री केली आहे. अनेक कंपन्यांनी या वर्षात खूप चांगला नफा कमावला आहे. जर तुम्ही नवीन इलेक्ट्रिक स्कूटर खरेदी करण्याचा विचार करत असाल, तर त्याआधी २०२२ मध्ये देशातील सर्वाधिक विकल्या गेलेल्या टॉप ३ इलेक्ट्रिक स्कूटर बद्दल येथे जाणून घ्या, जेणेकरून तुम्ही तुमच्यासाठी सर्वोत्तम इलेक्ट्रिक स्कूटर खरेदी करू शकाल.

या बातमीसह सर्व प्रीमियम कंटेंट वाचण्यासाठी साइन-इन करा
ई-मेल द्या, नी साइन-अप करा
Already have a account? Sign in

‘या’ इलेक्ट्रिक स्कूटरला ग्राहकांची मोठी डिमांड

ola S1 Air
ओला इलेक्ट्रिक कंपनीने भारतीय वाहन बाजारात त्यांची सर्वात स्वस्त ओला एस १ एअर इलेक्ट्रिक स्कूटर लाँच केली आहे. ओला एस १ एयर इलेक्ट्रिक स्कूटरमध्ये कंपनीने २.५kWh क्षमतेचा बॅटरी पॅक दिला आहे. तसेच यात हब माउंटेड इलेक्ट्रिक मोटर दिली आहे जी ४.५kW पॉवर जनरेट करू शकते. ओला एस १ एअर सिंगल चार्जवर १०१ किमीपर्यंतची रेंज देण्यास सक्षम आहे. या स्कूटरचा टॉप स्पीड ९० किमी प्रति तास इतका आहे. या स्कूटरची किंमत ८४,९९९ रुपये इतकी आहे.

आणखी वाचा

(हे ही वाचा : Flashback 2022: ‘या’ आहेत देशातील सर्वाधिक विक्री होणाऱ्या SUV कार; मायलेजच्या बाबतीत आहेत दमदार )

TVS iQUBE
TVS ने भारतात आपली २०२२ TVS iQube इलेक्ट्रिक स्कूटर लॉन्च केली आहे. iQube च्या या मॉडेलमध्ये ४.४ kW ची इलेक्ट्रिक मोटर देण्यात आली आहे. जी ७८ किमी/ताशी वेग गाठू शकते आणि पूर्ण चार्ज केल्यावर ७५ किमी पर्यंत जाऊ शकते. एक तास चार्ज करून ही स्कूटर २० किलोमीटर चालवता येऊ शकते. कंपनी बॅटरी पॅकवर ३ वर्षांची वॉरंटी देत ​​होती.

Hero Vida V1
हिरो मोटोकॉर्प कंपनीने आपली Hero Vida V1 ही इलेक्ट्रिक स्कूटर (electric scooter) बाजारात आणली आहे. Hero Vida V1 या इलेक्ट्रिक स्कूटरचा टॉप स्पीड ८०Kmph आहे. स्कूटरमध्ये ८-इंचाची TFT डॅश टच स्क्रीन वापरण्यात आली आहे. डॅशमध्ये स्मार्टफोन पेअरिंग देण्यात आले आहे. इलेक्ट्रिक स्कूटरमध्ये वापरण्यात येणारी बॅटरी हीरोनेच विकसित केली आहे. यामुळे बॅटरीचे आयुष्य अधिक असणार आहे.

TVS Ntorq XT

TVS Ntorq 125 XT भारतात लॉंच करण्यात आली आहे. ही स्कूटर नियॉन ग्रीन कलरमध्ये हायब्रिड TFT इन्स्ट्रुमेंट कन्सोलसह येते. याशिवाय यात आधुनिक व्हॉइस असिस्टंटची सुविधा देखील उपलब्ध आहे.   TVS Ntorq 125 XT हे हलके आणि स्पोर्टी अलॉय व्हीलसह येते. या TVS स्कूटरची एक्स-शोरूम किंमत १,०२,८२३ रुपये ठेवण्यात आली आहे.

First published on: 21-12-2022 at 20:53 IST
TOPICSYear Ender 2023Year Ender 2023इलेक्ट्रिक कारElectric Carऑटो न्यूजAuto NewsकारCar
मराठीतील सर्व ऑटो बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.
Web Title: Flashback 2022 ola s1 air tvs iqube hero vida v1 are the top 3 best selling electric scooters in the country in 2022 pdb
Show comments