Gurkha-Thar सर्व विसरुन जाल, देशात आली सर्वात स्वस्त १० सीटर कार, मोठ्या कुटुंबियांसाठी आहे बेस्ट

सीटिंग लेआउट कसा आहे?

फोर्स सिटीलाईनमध्ये ड्रायव्हर व्यतिरिक्त ९ लोक बसू शकतात. साधारणपणे ७ सीटर कार ३ रांगांच्या असतात. परंतु फोर्स सिटीलाईनमध्ये ४ लाईन देण्यात आल्या आहेत. यात पहिल्या रांगेत २ लोक, दुसऱ्या रांगेत ३ लोक, तिसऱ्या मध्ये २ लोक आणि चौथ्या मध्ये ३ लोक बसू शकतात.

(हे ही वाचा : टाटाच्या ‘या’ देशातील सर्वात सुरक्षित कारसमोर Mahindra XUV700 ही फेल, किंमत फक्त ६ लाख)

आकार आणि इंजिन

फोर्स सिटीलाइन आकाराने खूप मोठी आहे. याची ५१२०mm लांबी, १८१८mm रुंदी, २०२७mm उंची आणि ३०५०mm व्हीलबेस आहे. त्याचे ग्राउंड क्लीयरन्स १९१ मिमी आहे. या MUV ची पुढची रचना तुम्हाला टाटा सुमोची आठवण करून देईल. Citiline २.६-लिटर डिझेल इंजिनसह येते जे ९१ अश्वशक्ती आणि २५० Nm पीक टॉर्क निर्माण करते. यात ६३.५ लीटरची इंधन टाकी, ५-स्पीड मॅन्युअल ट्रान्समिशन आणि ३१४० किलो वजन आहे.

वैशिष्ट्ये

यात शक्तिशाली ड्युअल एअर कंडिशनिंग, सेंट्रल लॉकिंग पॉवर विंडो, मल्टिपल यूएसबी चार्जिंग पोर्ट्स, मागील पार्किंग सेन्सर्स, बॉटल होल्डर आणि सामानासाठी फोल्डिंग-प्रकारच्या शेवटच्या-रो सीट्स यांसारखी अनेक उत्कृष्ट वैशिष्ट्ये देण्यात आली आहेत. प्रवासी आरामात वाहनात प्रवेश करू शकतात आणि बाहेर पडू शकतात.

किंमत

या कारची सुरुवातीची किंमत १६.५ लाख रुपये (एक्स-शोरूम) आहे.