Hero Bike diwali offer: सणासुदीला अनेक लोक नवी-कोरी बाईक घ्यायच्या विचारात असतात. जर तुमचाही टू-व्हीलर घ्यायचा विचार सुरू असेल, तर ‘हीरो’ने तुमच्यासाठी आनंदाची बातमी आणली आहे. ‘हीरो मोटोकॉर्प’ने दिवाळीपूर्वीच आपल्या बाईक आणि स्कूटरवर मोठ्या सवलतीच्या ऑफर्स जाहीर केल्या आहेत. त्यामुळे ग्राहकांना दिवाळीपर्यंत थांबण्याची गरज भासणार नाही.
‘हीरो’च्या अनेक मॉडेल्सवर ही सूट दिली जात आहे, ज्याचा ग्राहकांना खूप फायदा होऊ शकतो. अशा ऑफर्सचा उद्देश सणासुदीच्या काळात विक्रीला चालना देणे हा आहे. जर तुम्ही हीरो बाईक घेण्याचा विचार करीत असाल, तर आजच या डिस्काउंट ऑफरबद्दल जाणून घ्या.
हीरो स्प्लेंडर प्लस (Hero SPLENDOR Plus)
हीरो स्प्लेंडर प्लसच्या खरेदीवर ग्राहकांना मोठी बचत करण्याची संधी दिली जात आहे. ईएमआयवर ही बाईक खरेदी केल्यास पाच हजार रुपयांचा कॅशबॅक दिला जात आहे. त्याशिवाय ५०० रुपयांचा हीरो गोल्ड लाईफ लाभ दिला जात आहे. तसेच तुम्ही ही बाईक १९९९ रुपयांची लोअर डाउन पेमेंट करून घरी घेऊन जाऊ शकता. तर ही बाईक खरेदी केल्यावर तुम्हाला ५.९९ टक्के व्याजदर मिळतो जो निवडक बँकांमध्ये दिला जात आहे.
हीरो एक्स्ट्रिम 125R (Hero XTREME 125R)
हीरो एक्स्ट्रिम 125Rच्या खरेदीवर तुम्ही चांगली बचत करू शकता. दिवाळीपूर्वी या बाईकवर बचत करण्याची संधी दिली जात आहे. जर तुम्ही ही बाईक ईएमआयवर खरेदी केली, तर तुम्हाला पाच हजार रुपयांचा कॅशबॅक दिला जात आहे. तुम्ही ही बाईक १९९९ रुपयांच्या लोअर डाउन पेमेंटमध्येदेखील घरी घेऊन जाऊ शकता. इतकेच नाही, तर ही बाईक खरेदी केल्यावर तुम्हाला ५.९९ टक्के व्याजदर मिळतो, जो निवडक बँकांमध्ये दिला जात आहे.
हिरो डेस्टिनी 125 XTEC (Hero DESTINI 125 XTEC)
Hero DESTINI 125 XTEC या स्कूटरचाही या ऑफरमध्ये समावेश आहे. ग्राहकांना यावर ईएमआय ऑफर मिळत आहे, ज्यामध्ये त्यांना स्कूटर खरेदी केल्यावर पाच हजार रुपयांचा कॅशबॅक मिळेल. त्याशिवाय १२,००० रुपयांचा विशेष लाभ दिला जात आहे. तुम्ही ही बाईक ८,९९९ रुपयांच्या लोअर डाउन पेमेंटमध्ये घरी घेऊन जाऊ शकता. इतकेच नाही, तर ही बाईक खरेदी केल्यावर तुम्हाला निवडक बँकांमध्ये शून्य टक्के व्याजदर मिळेल.
