हिरो इलेक्ट्रिक कंपनीने नवीन इलेक्ट्रिक स्कूटर Eddy लाँच केली आहे. ही इलेक्ट्रिक स्कूटर कमी अंतराच्या प्रवासासाठी उत्तम पर्याय ठरू शकते. हिरो इलेक्ट्रिक Eddy चालवण्यासाठी ड्रायव्हिंग लायसन्सची गरज भासणार नाही. Eddy इलेक्ट्रिक स्कूटरमध्ये अनेक नविन वैशिष्ट्ये देण्यात आली आहे. हिरो इलेक्ट्रिकच्या Eddy स्कूटरची एक्स-शोरूम किंमत ७२ हजार रुपये ठेवण्यात आली आहे. त्याचबरोबर कंपनीने ही स्कूटर अतिशय साध्या बॉडीसह लाँच केली आहे. असं असलं तरीही Eddy इलेक्ट्रिक स्कूटर दिसायला खूपच आकर्षक दिसते. हिरोने Eddy इलेक्ट्रिक स्कूटर कमी अंतरासाठी डिझाइन केली आहे. तरीही कंपनीने या इलेक्ट्रिक स्कूटरमध्ये अनेक उत्कृष्ट फीचर्स दिले आहेत. Eddy मध्ये इलेक्ट्रिक स्कूटरप्रमाणेच तुम्हाला फिड माय बाईक, ई-लॉक, मोअर बूट स्पेस, फॉलो मी हेडलॅम्प आणि रिव्हर्स मोड यांसारखी अनेक उत्तम वैशिष्ट्ये मिळतील.
हिरो इलेक्ट्रिकने Eddy स्कूटर दोन रंगांमध्ये लाँच केली आहे. त्यामुळे ग्राहकांना ही इलेक्ट्रिक स्कूटर पिवळ्या आणि लाईट शेडमध्ये मिळणार आहे. हीरो Eddy स्कूटरसाठी नोंदणी आणि ड्रायव्हिंग लायसन्सची आवश्यकता नाही.
हिरो इलेक्ट्रिकचे एमडी नवीन मुंजाल यांनी सांगितले की, हिरो इलेक्ट्रिक Eddy स्कूटरच्या माध्यमातून प्रदूषणमुक्त वाहतुकीला प्रोत्साहन देईल. हिरो इलेक्ट्रिक Eddy स्कूटर कार्बनमुक्त आणि आरामदायी प्रवास करता येईल, अशा प्रकारे डिझाइन केली आहे.
