नाद करायचा नाय! ह्युंदाई क्रेटाची उडणार झोप; होंडा लाँच करणार नवीन एसयूव्ही, पाहा किंमत अन् जबरदस्त फिचर्स

काय असणार खास?

मीडिया रिपोर्ट्सनुसार, होंडा मोटर्स इंडिया एलिव्हेटचे अपकमींग ब्लॅक एडिशन इंडियन मार्केटमध्ये कधी लाँच होईल याबद्दल अद्याप कोणतीही अधिकृत माहिती समोर आलेली नाही. या नवीन मॉडेलमध्ये मागच्या साईडला नवीन बॅज असेल. नवीन ब्लॅक एडिशन एलिव्हेटच्या डिझाइन आणि लुकमध्ये बरेच चेंजेस पाहायला मिळेल. याशिवाय यामध्ये ब्लॅक क्लॅडिंगही असेल.

कधी होणार लाँच?

१७ ते २२ जानेवारी दरम्यान होणाऱ्या भारत मोबिलिटी २०२५ मध्ये Honda Elevate Black Edition लाँच केली जाण्याची अपेक्षा आहे. या संदर्भात कंपनीकडून कोणतीही माहिती मिळालेली नाही. सध्याच्या Honda Elevate ची एक्स-शोरूम किंमत ११.६९ लाख रुपयांपासून सुरू होते आणि त्याच्या टॉप व्हेरिएंटची किंमत १६.४३ लाख रुपये आहे तसेच Elevate Black Edition च्या किमतीत थोडी वाढ होऊ शकते.

हेही वाचा >> बापरे! फक्त ३० दिवसांत १.४५ लाख लोकांनी खरेदी केली ‘ही’ बाईक; ६५ हजाराच्या ‘या’ बाईकसाठी लोकांच्या रांगा

इंजिन आणि पॉवर

होंडा एलिव्हेट ब्लॅक एडिशन इंजिनमध्ये कोणताही बदल नसतील. त्यात १.५ लिटर कॅपेसिटीचे इंजिन वापरले जाईल यामध्ये दिलेले १.५ लीटर इंजिन १२१ पीएस पॉवर आणि १४५ न्यूटन मीटरचा टॉर्क जनरेट करेल. होंडा एलिव्हेटची ब्लॅक एडिशन थेट ह्युंदाई क्रेटा क्नाईट एडिशन आणि एमजी हेक्टर ब्लॅक एडिशनशी स्पर्धा करेल.