Car Parking Crash Video: सगळ्यात दुर्लक्षित ड्रायव्हिंग स्किल काय आहे? तर गर्दीच्या रस्त्यावर समांतर पार्क करण्याची क्षमता, असं अनेकांचं म्हणण असेल. परंतु खरं सांगायचं झालं, तर फक्त ‘पार्किंग’ हेच मूळ ड्रायव्हिंग स्किल आहे. सुमारे १.४ अब्ज लोकसंख्या असलेल्या देशात, स्क्रॅच-फ्री कार पाहणं हे युनिकॉर्न शोधण्याइतके दुर्मीळ आहे. अशा सगळ्या घटनांपासून शिकून आपलं कौशल्य वाढवण्याऐवजी आपण फक्त म्हणतो की, असं तर नेहमीच घडत राहतं. पण, कदाचित यावर पुनर्विचार करण्याची वेळ आली आहे. विशेषत: नुकत्याच व्हायरल झालेल्या व्हिडीओनंतर असे कळले की, अतिशय योग्य रीतीनं पार्किंग करणं ही एक सुपरपॉवर ठरू शकते.
… म्हणून पार्किंग कौशल्य महत्त्वाचे
सोशल मीडियावर व्हायरल झालेल्या या व्हिडीओमध्ये पार्किंग स्किल नसल्यानं कसा मोठा अपघात झाला हे कळून येतं. निखिल राणा यांच्या यूट्यूब चॅनेलवर शेअर केलेल्या या व्हायरल व्हिडीओमध्ये, एका सेडान ड्रायव्हरने ब्रेक न लावता पार्किंग करण्याचा निर्णय घेतला आणि त्याच्या या चुकीमुळे कार पहिल्या मजल्यावरील पार्किंगची भिंत फोडत खाली तळमजल्यावर येऊन कोसळली. सुदैवानं कारच्या या दुर्घटनेमुळे खाली असणाऱ्या कोणालाही दुखापत झाली नाही. कार क्रॅश झाल्यानंतर मागे बसलेला प्रवासी बाहेर निघण्यात यशस्वी झाला. कारण- सेडानच्या बूटने सगळा धक्का सहन केला.
पार्किंग तंत्रज्ञानावर आंधळेपणाने विश्वास ठेवू नका
आधुनिक गाड्या हाय-टेक गॅजेट्सने भरलेल्या असतात, जसे की रिव्हर्स कॅमेरा, ३६० डिग्री कॅमेरा आणि पार्किंग सेन्सर्स. हे गॅजेट्स तुमच्या वैयक्तिक पार्किंग असिस्टंटसारखे आहेत; पण लक्षात ठेवा- तंत्रज्ञानावर पूर्णपणे विश्वास ठेवता येत नाही. पार्किंग करण्यापूर्वी जुने साधे उपाय वापरायला विसरू नका— ते म्हणजे, तुमचे साइड मिरर्स, रिव्हर मिरर आणि सामान्य ज्ञान.
खरं सांगायचं झालं तर कोणतंही तंत्रज्ञान आपला आत्मविश्वास नष्ट करू शकत नाही. अनेकदा कोणाचीही मदत न घेता, कित्येक लोक गाडी अगदी योग्य प्रकारे पार्क करतात. या सगळ्यामागचा धडा काय? जर तुम्हाला तुमचा स्वतःचा स्टंट व्हिडीओ पुन्हा तयार करायचा नसेल, तर गाडी काळजीपूर्वक आणि जागरूकतेनं पार्क करा.
