Hyundai ही एक लोकप्रिय वाहन निर्माता कंपनी आहे. काही दिवसांपूर्वी कंपनीने आपले venue हे मॉडेल लॉन्च केले होते. आता कंपनीने या मॉडेलचे नाइट एडिशन भारतीय बाजारपेठेत लॉन्च केले आहे. क्रेटा आणि अल्काझार नंतर नाइट एडिशनमध्ये लॉन्च होणारे हे तिसरे मॉडेल आहे. व्हेन्यू नाइट एडिशन भारतीय बाजारपेठेत S(O), SX आणि SX(O) या तीन ट्रिममध्ये उपलब्ध करून देण्यात आली आहे.
एक्सटेरिअर (एक्सटीरियर)
ह्युंदाई व्हेन्यू च्या नाइट एडिशनमध्ये फ्रंट ग्रील , ORVMs, शार्क-फिन अँटेना, स्किड प्लेट आणि अलॉय व्हील हे सर्व काळया रंगात देण्यात आले आहे. Abyss Black, Atlas White, Titan Grey, Fiery Red आणि ड्युअल टन कलर रंगामध्ये हे मॉडेल ग्राहकांसाठी उपलब्ध असणार आहे. नवीन कलर पर्यायांशिवाय, ह्युंदाई व्हेन्यू नाइट एडिशनमध्ये अनेक सुधारणा बघायला मिळतात. ज्यात फ्रंट आणि रिअर बंपर, फ्रंट व्हील आणि रूफरेलवर पितळी रंगाचे इन्सर्टचा समावेश आहे. याबाबतचे वृत्त Financial Express ने दिले आहे.
इंटेरिअर
व्हेन्यू नाईट एडिशनचे केबिनचे आतील भाग त्याच्या बाहेरील भागासारखे दिसते, ज्यामध्ये काळ्या रंगाच्या केबिनसह काळ्या सीट अपहोल्स्ट्रीसह पितळ रंगाच्या इन्सर्टचा समावेश आहे. याशिवाय यात स्पोर्टी मेटल पेडल्स आणि 3D डिझायनरचाही समावेश आहे. ड्युअल कॅमेरे आणि ऑटोमॅटिक IRVM सह डॅशकॅम टॉप व्हेरियंटमध्ये देण्यात आला आहे आणि याशिवाय बाकीची वैशिष्ट्ये व्हेन्यू नाईट एडिशनच्या इतर व्हेरियंटसारखीच आहेत.
इंजिन आणि गिअरबॉक्स
व्हेन्यू नाइट एडिशन बाजारात दोन इंजिन पर्यायांसह उप्लब्ध आहे. ज्यामध्ये पहिले इंजिन १.२ लिटर कप्पा नॅचरली ऍस्पिरेटेड पेट्रोल इंजिन तर दुसरे हे १.० लिटरचे GDi टर्बोचार्ज इंजिन येते. पहिले इंजिन हे ८२ बीएचपी पॉवर आणि ११४ एनएम टॉर्क जनरेट करते. या इंजिनला ५-स्पीड मॅन्युअल गिअरबॉक्ससह जोडण्यात आले आहे. तर दुसरीकडे GDi टर्बोचार्ज पेट्रोल इंजिन ११८ बीएचपी पॉवर आणि १७२ एनएम टॉर्क जनरेट करते.
किंमत
ह्युंदाईने आपल्या व्हेन्यू या मॉडेलचे नाइट एडिशन लॉन्च केले आहे. ह्युंदाई व्हेन्यूच्या नाइट एडिशनची किंमत १० लाखांपासून सुरू होते.
