Jawan Movie Shahrukh Khan Bike: शाहरुख खानचा जवान सिनेमा प्रेक्षकांना थिएटरमध्ये खेचून आणत आहे. निवडणुकांच्या काहीच महिन्यांआधी अगदी मोक्याच्या वेळी आलेल्या या चित्रपटात शाहरूखला 'सुपरस्टार' का म्हटलं जातं याचा पुरावा दिसून येतो. बाईकवरून उड्या, गाड्यांच्या छतावर मारामारी ते भन्नाट डान्स, कॉमेडी, रोमान्स सगळ्या निकषांवर हा सिनेमा खरा सिद्ध होतोय. या सिनेमात फक्त शाहरुखच नव्हे तर सर्व नयनतारा, दीपिका पदुकोण ते गिरीजा ओक पर्यंत सर्व अभिनेत्री सुद्धा भाव खाऊन गेल्या आहेत. पण आज आपण शाहरुखसह सिनेमात झळकलेल्या अशा 'ती' च्या विषयी जाणून घेणार आहोत जिची सध्या चांगलीच चर्चा आहे. जवान सिनेमामध्ये शाहरुखचे कमाल ऍक्शन सीन घडत असताना येझदी अॅडव्हेंचर (Yezdi Adventure) आणि द रॉयल एनफिल्ड हिमालयन (Royal Enfield Himalayan) या दोन बाईक पाहून अक्षरशः अंगावर शहारा येतो. मोठमोठ्या कंटेनर्सना जेरीस आणणाऱ्या या बाईक फक्त ताकदीनेच नाही तर लुकने सुद्धा कमाल दिसत आहेत. तुम्हाला या बाईक कुठे दिसतील तर? एका ऍक्शन सीनमध्ये शाहरुख व त्याच्या टीमने पाच येझदी अ‍ॅडव्हेंचर्स वरून राईड केली आहे. त्यापैकी एका बाईकला साइडकार आहे. या बाईक्सचे फीचर पाहायला गेलं तर, ३३४ सीसी लिक्विड कूल इंजिनसह ही बाईक २९.८ bhp, २९.८ nm चा पीक टॉर्क देते. या बाईकसह ६ स्पीड गिअर बॉक्स जोडलेला आहे. १९८ किलोची या बाईकमध्ये १५. ५ लीटरची इंधन टाकी आहे आणि बाईक ३३. ०७ किलोमीटर प्रतितासाचा मायलेज देते असे कंपनीकडून सांगण्यात येत. The Yezdi Adventure ची किंमत २. १६ लाख रुपयांपासून ते २. २० लाख रुपयांपर्यंत (एक्स-शोरूम) जाते. रॉयल एनफिल्ड हिमालयन, सुझुकी व्ही-स्ट्रॉम एसएक्स आणि येझ्दी स्क्रॅम्बलर हे येझदी अॅडव्हेंचरचे टॉप पर्याय आहेत ज्यांची मुंबईत किंमत अनुक्रमे २ लाख १५ हजार, २ लाख १३ हजार व २ लाकग १० हजार अशी आहे. https://www.instagram.com/reel/CugTbrcoeEw/?utm_source=ig_web_copy_link&igshid=MzRlODBiNWFlZA== शाहरुखने १९९४ नंतर पुन्हा एकत्र केलं काम.. आता वर म्हटल्याप्रमाणे शाहरुखने या बाईकसह १९९४ नंतर आता पुन्हा एकदा पहिल्यांदा काम केलं आहे. तुम्ही जर SRK चे फॅन असाल तर तुम्हाला नक्कीच लक्षात असेल १९९४ मध्ये प्रदर्शित झालेल्या 'कल हो ना हो' या चित्रपटात सुद्धा शाहरुखन येझदी मोटारसायकल चालवत सीन केले होते. जावा कंपनीची येझदी बाईक ही शाहरुखच्या आवडत्या बाईक्सपैकी एक असल्याचेही म्हटले जाते. त्यामुळे एका अर्थाने 'या' जुन्या सहकलाकारसह शाहरुखने जवानच्या निमित्ताने पुन्हा स्क्रीन शेअर केली आहे.
