ऑटो एक्स्पो २०२३ मध्ये अनेक वाहन कंपन्यांनी आपल्या मॉडेलचे लाँचिंग केले आहे. यामध्येच जेबीएम ऑटो कंपनीने त्यांची लक्झरी इलेक्ट्रिक बसचे लाँचिंग केले आहे. तसेच कंपनीने शहर , कर्मचारी आणि शालेय विभागांसाठी तीन नवीन उत्पादने लाँच केले आहेत. सध्या, कंपनीच्या १२ राज्यांमध्ये १००० हून अधिक इलेक्ट्रिक बसेस रस्त्यावर धावत आहेत. नवीन बसेस ‘प्रगत रसायनशास्त्र’ लिथियम-आयन बॅटरीद्वारे धावतात. एकदा चार्ज केली १००० किमी धावू शकते असा कंपनीचा दावा आहे.
हेही वाचा : Auto Expo 2023: Maruti Suzuki Jimny 5 door लाँच; पाहा कशी दिसते ही आकर्षक कार, ‘इतक्या’ रुपयांत करा बुकिंग
“आम्ही लांब पल्ल्याच्या इलेक्ट्रिक लक्झरी कोच विभागात प्रवेश करत असताना आमच्यासाठी ही एक महत्त्वाची संधी आहे. आमची व्यावसायिक प्रवासी विभागातील उत्पादनाची ऑफर पूर्ण होते जी देशभरात शाश्वत आणि कार्यक्षम सार्वजनिक वाहतुकीसाठी योगदान देईल.”- निशांत आर्य , उपाध्यक्ष जेबीएम ग्रुप
आम्हाला विश्वास आहे की पुढील काही वर्षांमध्ये हा विभाग वेगाने विकसित होईल. आम्ही आमच्या सध्याच्या प्लांट्समध्ये सुधारणा करण्यासाठी आणि आमच्या ग्राहकांची वाढती मागणी पूर्ण करण्यासाठी आम्ही नवीन प्लांट्स उभारणार असून त्यासाठी आम्ही गुंतवणूक करणार आहोत असे निशांत आर्य म्हणाले.