जपानी दुचाकी निर्माता कावासाकी कंपनी लवकरच भारतीय बाजारपेठेत आपले नवीन उत्पादन ‘कावासाकी डब्ल्यू १७५’ सादर करण्यासाठी सज्ज झाली आहे. कावासाकी कंपनी ही दुचाकी २५ सप्टेंबरला भारतीय बाजारपेठेत सादर करणार आहे. कंपनीच्या म्हणण्यानुसार, ही दुचाकी पूर्णपणे भारतात तयार केली गेली आहे. त्याची किंमत सुमारे १.५ लाख रुपये (एक्स-शोरूम) असू शकते असा अंदाज आहे. जाणून घेऊया या दुचाकीची वैशिष्ट्ये.
कावासाकी डब्ल्यू १७५ सस्पेंशन
कावासाकी डब्ल्यू १७५ च्या सस्पेंशन सेटअपमध्ये समोरच्या बाजूला टेलिस्कोपिक फोर्क्स आणि मागील बाजूस ट्विन शॉक शोषक असतात. दुचाकीला सिंगल चॅनल एबीएस (अँटी-लॉक ब्रेकिंग सिस्टम) सोबत फ्रंट डिस्क आणि मागील ड्रम ब्रेक्समधून ब्रेकिंग पॉवर मिळण्याची अपेक्षा आहे. हे १७-इंच, वायर-स्पोक व्हीलसह एकत्र केले जाते.
शक्तीच्या बाबतीत, हे दुचाकी वाहन त्याच्या किंमतीच्या श्रेणीमध्ये खूप शक्तिशाली असू शकते. हे पॉवरसाठी १७७ सीसी, सिंगल-सिलेंडर, एअर-कूल्ड इंजिन वापरते, जे इंधन इंजेक्शन तंत्रज्ञानाने सुसज्ज आहे. ही मोटर ७ हजार ५०० आरपीएमवर १३ बीएचपी पॉवर आणि ६ सहा हजार आरपीएमवर १३.२ एनएम टॉर्क जनरेट करण्यास सक्षम आहे. यात पाच गिअरबॉक्स असतील.
आणखी वाचा : मारुतीची कार घ्यायचे ठरवले आहे? आधी प्रलंबित वितरणाचा ‘हा’ आकडा वाचा
रेट्रो देखावा
ही दुचाकी रेट्रो लूकमध्ये सादर केली जात आहे, जी खूपच प्रेक्षणीय दिसेल. दुचाकीचे वजन १३५ केजी आहे आणि तिचा ग्राउंड क्लीयरन्स १६५ एमएम आहे. त्याची सीटची उंची ७९० मिमी आहे. या नवीन दुचाकीची लांबी २००६ एमएम, रुंदी ८०२ एमएम आणि उंची १०५२ एमएम आहे. त्याच्या इंधन टाकीबद्दल सांगायचे तर, त्याच्या इंधन टाकीमध्ये १२ लीटरपर्यंत पेट्रोल टाकता येते. ग्राहकांकडे निवडण्यासाठी दोन रंग पर्याय असतील, ज्यात इबोनी काळा आणि स्पेशल एडिशन लाल रंगाचा समावेश आहे.
