स्वस्तात मस्त! ‘या’ कारला बाजारात आहे मोठी मागणी, कमी बजेटमध्ये मिळेल फायदेशीर डील

दिवसेंदिवस मारुती सुझुकी अल्टोची पसंती वाढत चाललीय. ही एंट्री लेव्हल कार जवळपास दोन दशकांपासून भारतीय रस्त्यांवर राज्य करीत आहे. भारतातील एक लोकप्रिय आणि विश्वासार्ह हॅचबॅक कार म्हणून मारुती सुझुकी अल्टो (Maruti Suzuki Alto) ओळखली जाते. अनेकदा पहिली कार खरेदी करताना लोक याच कारचा विचार करतात. आज आपण याच मारुती सुझुकी अल्टोच्या काही महत्त्वाच्या फीचर्सबद्दल जाणून घेणार आहोत, ज्यामुळे वर्षाच्या बाराही महिने या कारला मागणी असते.

हेही वाचा… Flipkart Big Billion Days: बजेटची चिंता सोडा, १ लाखाच्या आत खरेदी करा या ‘बेस्ट ५’ बाईक्स, पाहा यादी

१. कमी किंमत

अल्टोचा सर्वांत मोठा फायदा म्हणजे त्याची परवडणारी किंमत. ही एक बजेट-फ्रेंडली कार आहे, जी बहुतेक मध्यमवर्गीय कुटुंबेदेखील सहज खरेदी करू शकतात. या कारची सुरुवातीची किंमत ३.९९ लाख रुपये आहे, जो या कारचा प्लस पॉईंट आहे.

२. भरपूर मायलेज

मारुती अल्टोचे मायलेज ही एक या कारची जमेची बाजू आहे. पेट्रोल आणि सीएनजी अशा दोन्ही प्रकारांमध्ये ही कार उपलब्ध असल्याने ती इंधन वाचविण्यास सक्षम आहे. इंधनाचा वापर कमी असल्याने या कारचा वापर दीर्घकाळासाठी आर्थिकदृष्ट्याही फायदेशीर ठरतो.

३. कमी देखभाल खर्च

मारुतीच्या कार देखभालीच्या दृष्टीने अतिशय किफायतशीर आहेत. अल्टोचा मेंटेनन्स खर्चही खूप कमी आहे, ज्यामुळे ती दीर्घकाळ चालवणे सोपे जाते. या कारचे स्पेअर पार्ट्सही स्वस्त आणि सहज उपलब्ध आहेत.

हेही वाचा… टाटाचा नाद करायचा नाय! नव्या अवतारात लॉन्च झाली ही सीएनजी कार, पॉवरफुल इंजिन अन् मायलेजसह किंमतही कमी

४. कॉम्पॅक्ट डिझाइन आणि पार्किंगची उत्तम सोय

अल्टोच्या कॉम्पॅक्ट आकारामुळे शहरी भागात वाहन चालवणे आणि पार्किंग करणे सोपे होते. तसेच अरुंद रस्ते आणि गर्दीच्या ठिकाणी गाडी चालवणे व पार्क करणे खूप सोपे आहे.

५. विश्वसनीय ब्रॅण्ड आणि पुनर्विक्री मूल्य

मारुती सुझुकी हा भारतातील सर्वांत विश्वासार्ह ब्रॅण्ड आहे. अल्टोची पुनर्विक्री किंमतदेखील खूप चांगली आहे; ज्यामुळे कार विकल्यावर चांगला परतावा मिळतो.