MS Dhoni Classic Car Collection: कॅप्टन कूल महेंद्रसिंग धोनीच्या ताफ्यात आहे 'या' क्लासिक कार्स; जाणून घ्या| mahendra singh dhoni is car lover and a collection of many classic cars

महेंद्रसिंह धोनीबद्दल अशी एक गोष्ट फार कमी लोकांना माहिती आहे की तो कार प्रेमी आहे.

MS Dhoni Car Collection- प्रातिनिधिक छायाचित्र / फायनान्शिअल एक्सप्रेस

MS Dhoni: महेंद्रसिंह धोनी हा जगातील सर्वात लोकप्रिय आणि प्रसिद्ध असा क्रिकेटपटू आहे. तो भारताचा तिन्ही प्रकारातील सर्वात सर्वोत्तम कर्णधार म्हणून प्रसिद्ध आहे. बेस्ट फिनिशर म्हणून त्याची ओळख आहे. धोनीला अनेक कार्स आणि बाईक्स वापरण्याची आवड आहे. जर तुम्हाला माहिती नसेल तर त्याच्याकडे अनेक महागड्या कार आणि बाईक्स आहेत. धोनी हा सर्वांचाच आवडता खेळाडू आहे. आज आपण त्याच्याकडील क्लासिक कार कलेक्शनबद्दल जाणून घेणार आहोत.

Pontiac Firebird Trans-Am

एम्स धोनीने काही कालावधीआधी लाल रंगाचा Pontiac Firebird Trans-Am खरेदी केली होता. जो ट्रान्स अमची सेंकड जनरेशन आहे व ४० वर्षे जुनी असली तरी ती अजून देखील अत्यंत सुस्थितीमध्ये दिसते. धोनीने जेव्हा आंतरराष्ट्रीय क्रिकेटमधून निवृत्ती जाहीर केली होती तेव्हा त्याने स्वतःला ही कार भेट दिली होती. Trans-Am या कारमध्ये इतर मसल कारप्रमाणेच मोठे इंजिन जे 455 बिग-ब्लॉक V8 द्वारे समर्थित आहे. हे इंजिन सुमारे ३२५ बीएचपीचे उत्पादन करते आणि हे 4-स्पीड ऑटोमॅटिक ट्रान्समिशनशी जोडलेले आहे.

हेही वाचा : Smriti Mandhana Car Collection: स्मृती मंधानाचं कार कलेक्शन पाहून तुम्हीही व्हाल थक्क; ताफ्यात आहेत ‘इतक्या’ महागड्या कार

Rolls Royce Silver Shadow II

एका अहवालानुसार ही खास लक्झरी सेडान कार तेव्हा प्रसिद्धीच्या झोतात आली जेव्हा धोनी वर्कशॉपमध्ये कारची दुरुस्ती करत असताना त्याच्या मित्रांसोबत डिनर करताना दिसला होता. या कारचे इंजिन हे V8 द्वारे समर्थित आहे. तसेच यात GM-sourced गिअरबॉक्स आणि ट्रिपल-सर्किट ब्रेकिंग सिस्टमशी जोडलेले आहे.

1969 Ford Mustang

भारतिचे क्रिकेटचा माजी कर्णधार महेंद्रसिंह धोनीच्या कर कलेक्शनमध्ये आणखी एक जबरदस्त कार आहे. त्याचे नाव म्हणजे 1969 ची फोर्ड मस्टँग क्लासिक कार. ही कार धोनीने २०२१ मध्ये खरेदी केली. धोनीच्या गॅरेजमध्ये असणारे हे वाहन सुद्धा इतर वाहनांप्रमाणेच पूर्ववत करण्यात आले आहे. या कारमध्ये ५.० लिटरचे V८ इंजिन येते. हे इंजिन २२१ बीएचपी आणि ४०६ पीक टॉर्क जनरेट करते.

हेही वाचा : फक्त ३० हजार रुपयांत Tata Motors च्या ‘या’ जबरदस्त SUV च्या बुकिंगला झाली सुरुवात, जाणून घ्या फिचर्स

Ferrari 599 GTO

२०११ ODI चा विश्वचषक भारताने जिंकला होता. तेव्हा २८ वर्षानंतर कर्णधार धोनीच्या नेतृत्वात भारताने विश्वचषक जिंकला होता. तेव्हा धोनीला फेरारी 599 GTO भेट देण्यात आली होती आणि ती त्याच्या कलेक्शनमधील सर्वात शक्तिशाली कार आहे. या कारचे इंजिन 6.0-लिटर नैसर्गिकरित्या एस्पिरेटेड V12 चे येते. जे ६६१ बीएचपी टॉर्क जनरेट करते. याचे मुख्य वैशिष्ट्य म्हणजे ०-१०० किमी प्रतितास इतका वेग पकडण्यासाठी ही कार ३.५ सेकंदापेक्षा कमी वेळ घेते.

1972 Land Rover Series Station Wagon

अलीकडेच बिग बॉय टॉईजने आयोजित केलेल्या ऑनलाईन लिलावामध्ये धोनीने १९७१ च्या लॅन्ड रोव्हर सीरिजच्या Station Wagon बोली जिंकली. वॅगनमध्ये पिवळा आणि पांढरा ड्युअल टन फिनिश असा रंग येतो. हे एक प्राचीन वाहन आहे. लॅन्ड रोव्हर सिरीजमधील ब्रिटिश ऑटोमेकरने उत्पादित केलेली ही सर्वात लोकप्रिय कार मानली जाते.

Nissan Jonga

निसान जोंगा ही धोनीची सर्वात खास कार मनाली जाते. कारण ही कार खास भारतीय सशस्त्र दलांसाठी तयार करण्यात आली आहे. सशस्त्र दलांच्या सन्मानासाठी त्याने ही कार आपल्या कलेक्शनमध्ये जोडली.

या सुंदर आणि क्लासिक कार्स व्यतिरिक्त एमएस धोनीकडे एक Hummer H2, GMC Sierra, फर्स्ट जनरेशन मित्सुबिशी पजेरो आणि कस्टम मेड 2-डोर महिंद्रा स्कॉर्पिओ देखील आहे.

First published on: 17-02-2023 at 13:57 IST

मराठीतील सर्व ऑटो बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Mahendra singh dhoni is car lover and a collection of many classic cars tmb 01

MS Dhoni Classic Car Collection: कॅप्टन कूल धोनीच्या ताफ्यात आहेत ‘या’ क्लासिक कार; एक झलक बघाच