देशातील दिग्गज कार निर्माता कंपनी महिंद्राने नुकतीच आपली नवीन कॉम्पॅक्ट SUV भारतात लाँच केली आहे आहे. या कारची बुकींग सुरु होताच या कारला भारतीय बाजारात तुफान मागणी मिळत आहे. या कारची बुकींग सुरु होताच १० मिनिटांत २७,००० बुकिंग आणि १ तासाच्या आत तब्बल ५० हजार गाड्या बुक झाल्या आहेत. आनंद महिंद्रा यांनी याबाबतचे सोशल मिडियावर माहिती देत ग्राहकांचे आभारदेखील मानले होते.

महिंद्राच्या नवीन SUV XUV 3XO ने बाजारात येताच खळबळ उडवून दिली आहे. कंपनी आपल्या प्रतिस्पर्धी टाटा नेक्सॉनला टक्कर देण्यासाठी ही एसयूव्ही वेगाने पुरवत आहे. या कारची डिलिव्हरी २६ मे रोजी सुरू झाली. पहिल्याच दिवशी कंपनीने १,५०० ग्राहकांना एसयूव्ही डिलिव्हरी केल्या. महिंद्राने १५ मे २०२४ रोजी XUV 3XO ची बुकिंग सुरू केली होती आणि बुकिंग सुरू झाल्यापासून अवघ्या १ तासाच्या आत ५०,००० ग्राहकांनी कार बुक केली होती.

आणखी वाचा
Liquor and fish stocks seized in Bhayander news
मतदारांना आमिषे दाखविण्यास सुरवात; भाईंदरमध्ये मद्य आणि मासळाची साठा जप्त
Eknath Shinde on Ladki Bahin Yojana Sixth installment
महायुतीला सत्ता मिळाली, लाडक्या बहिणींना २१०० रुपये कधीपासून…
Nishigandha Wad
हिंदी मालिकेच्या सेटवर निशिगंधा वाड यांचा अपघात; तातडीने रुग्णालयात केलं दाखल
like aani subscribe movie on OTT
अमृता खानविलकर-अमेय वाघचा ‘लाईक आणि सबस्क्राईब’ चित्रपट OTT वर प्रदर्शित
Numerology
‘या’ तारखेला जन्मलेले लोक कमी वयात होतात श्रीमंत, कमावतात आयुष्यात भरपूर धन-संपत्ती
prarthana behere complete 7 year of marriage recalls her first meeting
पाच तास गप्पा, पॅनकेक अन् २ किलो बटर…; अरेंज मॅरेज पद्धतीने जमलेलं प्रार्थना बेहेरेचं लग्न; पहिल्या भेटीत नेमकं काय घडलेलं?
Rakul Preet Singh opens up about her diet
हळदीच्या पाण्याचे सेवन अन् दुपारच्या जेवणात…; रकुल प्रीत सिंगने सांगितला तिचा डाएट प्लॅन; म्हणाली, “रात्रीचे जेवण…”

कंपनीच्या म्हणण्यानुसार, पेट्रोल व्हेरियंटसाठी सर्वाधिक बुकिंग मिळाले आहे. बुक केलेल्या १०० कारपैकी ७० पेट्रोल प्रकार आहेत. ही कार पेट्रोल आणि डिझेल दोन्ही इंजिनमध्ये सादर करण्यात आली आहे. ही एसयूव्ही टाटा नेक्सॉनला टक्कर देईल तसेच महिंद्राची जुनी एसयूव्ही XUV300 ची जागा घेईल.

(हे ही वाचा: ८० हजार रुपयांपेक्षाही कमी किंमत, १ लिटर पेट्रोलमध्ये धावते ६६ किमी; ‘या’ आहेत देशातील स्वस्त बाईक, पाहा यादी)

कोणता प्रकार वितरित केला जात आहे?

महिंद्राने XUV 3XO च्या फक्त मिड-स्पेक प्रकाराची डिलिव्हरी सुरू केली आहे. ही SUV एकूण ९ प्रकारांमध्ये उपलब्ध आहे. ज्या ग्राहकांना त्यांची युनिट्स मिळाली आहेत त्यात AX5, AX5 L, MX3 आणि MX3 Pro सारख्या प्रकारांचा समावेश आहे. महिंद्रा पुढील महिन्यापासून एंट्री-लेव्हल M1, MX2 आणि MX2 Pro तसेच AX7 आणि AX7 L सारख्या टॉप-एंड प्रकारांची डिलिव्हरी सुरू करेल. डिलिव्हर केल्या जाणाऱ्या व्हेरियंटची किंमत १० लाख ते १३.५० लाख रुपये (एक्स-शोरूम) दरम्यान आहे.

इंजिन आणि ट्रान्समिशन

XUV 3XO तीन पॉवरट्रेन पर्यायांसह सुसज्ज आहे ज्यात १.२-लीटर टर्बो-पेट्रोल, १.२-लीटर GDi टर्बो पेट्रोल आणि १.५-लीटर डिझेल इंजिन समाविष्ट आहे. ट्रान्समिशनसाठी ६-स्पीड मॅन्युअल आणि ६-स्पीड टॉर्क कन्व्हर्टर युनिटचा पर्याय उपलब्ध आहे. त्याचे पॉवर आउटपुट ११०bhp ते १२९bhp दरम्यान आहे, तर टॉर्क आउटपुट २००nm ते २३०nm दरम्यान आहे. कार निर्माता १.५-लिटर डिझेल इंजिनसह एसयूव्ही देखील ऑफर करते.

पॅनोरामिक सनरूफ आणि ADAS तंत्रज्ञानाने सुसज्ज

जर केबिनबद्दल बोलायचे झाले तर कंपनीने XUV 3XO मध्ये पूर्णपणे अपडेटेड केबिन दिले आहे. त्याचे केबिन मागील मॉडेलपेक्षा मोठे आणि पूर्णपणे वेगळे दिसते. डॅशबोर्डमध्ये १०.२५-इंच टचस्क्रीन इन्फोटेनमेंट सिस्टमसह ऑल-डिजिटल इन्स्ट्रुमेंट पॅनेल आहे. याशिवाय, इंटीरियरमध्ये नवीन स्टीयरिंग व्हील, ड्युअल-झोन क्लायमेट कंट्रोल, वायरलेस चार्जर, ॲम्बियंट लाइटिंग, ३६०-डिग्री सराउंड कॅमेरा, लेदरेट सीट आणि पुन्हा डिझाइन केलेले सेंटर कन्सोल आहे. एसयूव्हीमध्ये मागील एसी व्हेंटची सुविधा देखील आहे. याशिवाय, SUV मध्ये पॅनोरॅमिक सनरूफ आणि लेव्हल-२ ADAS सूट सारख्या फर्स्ट-इन-सेगमेंट सुरक्षा वैशिष्ट्यांसह देखील येतो.