Mahindra has given a Special Feature, if the Driver Sleeps then the Alarm Will Ring: आपल्या देशात रस्ते अपघातांचे (Road Accident) प्रमाण वाहनांच्या तुलनेत अधिक आहे. रस्ते अपघातात होणाऱ्या मृत्यूंचे प्रमाणही मोठे आहे. मध्यरात्री तसंच पहाटेच्या वेळी अपघात (Accident) होण्याचं प्रमाण अधिक असल्याचंही दिसून आलं आहे. रात्री उशिरा वाहन चालवताना ड्रायव्हरना झोप येते किंवा डुलकी लागते आणि त्यामुळे भीषण अपघात घडतात. यामुळे आता कार कंपन्यांनी कारमध्ये असे फीचर देण्यास सुरुवात केली आहे ज्यामुळे तुम्हाला ड्राईव्ह दरम्यान झोप येणार नाही. आणि जर ड्रायव्हर झोपला असेल तर ते गाडीत बसलेल्या इतर लोकांनाही कळवेल. महिंद्रा ही भारतीय कार उत्पादकांपैकी पहिली आहे ज्याने त्यांच्या दोन SUV मध्ये हे वैशिष्ट्य सादर केले आहे. जाणून घेऊया काय आहे हे फीचर आणि कोणत्या वाहनांमध्ये ते देण्यात आले आहे.
‘हे’ खास फीचर काय आहे?
महिंद्राने आता Advanced Driver Assistance System (ADAS) सोबत ड्रायव्हर ड्रिझिनेस डिटेक्शन (DDD) वैशिष्ट्य दिले आहे. हे वैशिष्ट्य ड्रायव्हरला झोप किंवा डुलकीच्या बाबतीत सतर्क करते. कारच्या स्टीयरिंग व्हीलवर व्हायब्रेशन अलर्ट उपलब्ध आहे. या दरम्यान कारमध्ये सतत अलार्म वाजतो आणि मोठी दुर्घटना टळते.
(हे ही वाचा: मारुतीच्या ‘या’ दोन लोकप्रिय कार चालवणे धोकादायक आहे का? सुरक्षेच्या बाबतीत ठरल्या अपयशी )
फीचर कसे काम करते?
कारचे हे वैशिष्ट्य स्टीयरिंगवरील ड्रायव्हरच्या हालचाली ओळखते. जेव्हा कारला काही काळ स्टिअरिंगवर कोणत्याही प्रकारची हालचाल होत नाही, तेव्हा ती सक्रिय होते आणि कारच्या स्टीयरिंग व्हीलवर कंपन जाणवते. यासोबतच काही कारमध्ये हे फिचर अधिक प्रगत प्रणाली म्हणून देण्यात आले आहे. ड्रायव्हर मद्यधुंद अवस्थेत असला तरीही या वैशिष्ट्यामुळे कार सुरू होत नाही.
कोणत्या कारमध्ये आहे ‘हे’ वैशिष्ट्य ?
महिंद्राने आपल्या नवीन SUVs XUV 700 आणि Scorpio N मध्ये हे वैशिष्ट्य दिले आहे. हे फीचर दोन्ही एसयूव्हीच्या टॉप मॉडेल्समध्ये सादर करण्यात आले आहे. आता येत्या काळात अनेक कंपन्या आपल्या कारमध्ये हे फीचर आणणार आहेत. काही प्रिमियम कारमध्ये हे फिचर आधीच अस्तित्वात असले तरी या गाड्या बहुतांश विदेशी कंपन्यांच्या आहेत. महिंद्राने भारतीय कार उत्पादकांमध्ये प्रथमच ते सादर केले आहे.
