Mahindra 6 Seater Car: दिग्गज कार वाहक निर्माता कंपनी महिंद्रा अॅन्ड महिंद्रा (Mahindra & Mahindra) ग्राहकांसाठी नेहमीच वेगवेगळ्या अपडेटेड कार घेऊन येत असते. महिंद्राची दमदार एसयूव्ही कार Mahindra XUV700 ला लोकांकडून भरभरून प्रेम मिळत आहे. अलीकडेच कंपनीने या वाहनाच्या १ लाख युनिटचा आकडा पार केला आहे. कंपनीची ही एक दमदार SUV असून १ लाख लोकांनी खरेदी केली आहे. सर्वात महत्त्वाची गोष्ट म्हणजे २ वर्षांपेक्षा कमी कालावधीत या कारने १ लाख युनिट्सचा टप्पा पार केला आहे. महिंद्रा ५ आणि ७ सात सीटर कारची विक्री करते, पण आता लवकरच महिंद्रा ६ सीटर कार आणणार असल्याच्या चर्चा रंगू लागल्या आहेत.
महिंद्रा XUV700 SUV ला लाँच झाल्यापासूनच खूप मागणी आहे. कंपनीने ते ऑगस्ट २०२१ मध्ये लाँच केले. यानंतर, ही देशातील सर्वात जास्त प्रतीक्षा कालावधी असलेली कार ठरली. हे टाटा हॅरियर आणि ह्युंदाई क्रेटा व्यतिरिक्त टाटा सफारी आणि एमजी हेक्टरशी स्पर्धा करते. कंपनीची ही एसयूव्ही सध्या ५ आणि ७ सीटर व्हेरियंटमध्ये आहे. पण लवकरच कंपनी याला ६ सीटर व्हर्जनमध्ये आणण्याचा विचार करत आहे. अलीकडेच हे चेन्नईजवळ चाचणीदरम्यान दिसले आहे. हे ६ सीटर व्हेरियंट देखील लक्षणीय आहे कारण टाटा सफारी आणि हेक्टर प्लस सारखे प्रतिस्पर्धी आधीच ६ सीटर आवृत्त्या देतात. ही कार सणासुदीच्या आसपास सादर केली जाऊ शकते. लीक झालेल्या फोटोवरुन कळते की, ६ सीटर XUV700 सध्याच्या मॉडेलवर आधारित असेल.
(हे ही वाचा: Punch वर पडेल भारी! ६ एअरबॅग्सवाली लहान SUV देशात दाखल, ४० हून अधिक सेफ्टी फीचर्स, किंमत ५.९९ लाख )
इंजिन आणि वैशिष्ट्ये
६ सीटर मॉडेलच्या इंजिन आणि पॉवरट्रेनमध्ये कोणताही बदल होणार नाही. पॉवरट्रेन पर्यायांमध्ये २.०L टर्बो पेट्रोल इंजिन (१९७ bhp, ३८० Nm, 6MT, 6TC) आणि २.२L टर्बो डिझेल इंजिन (१५३/१८२ bhp, ३६०/४२० Nm, ६MT, ६TC) समाविष्ट आहे. Mahindra XUV700 ला टॉप-ट्रिम डिझेल व्हेरियंटसह AWD सेटअप देखील मिळतो.
Mahindra XUV700 ६-सीटर केवळ टॉप-स्पेक ट्रिमचा भाग असू शकतो. ६-सीटर व्हेरियंटमध्ये दुसऱ्या रांगेतील प्रवाशांसाठी अॅम्बियंट डिस्प्लेसारखे काही वैशिष्ट्य अपग्रेड मिळायला हवे. परंतु सर्वसाधारणपणे, वैशिष्ट्यांची सूची सध्याच्या आवृत्तीसारखीच असेल. सर्वात महत्त्वाचे म्हणजे, ADAS सूटमध्ये GNCAP द्वारे लेन चेंज असिस्ट आणि अडॅप्टिव्ह क्रूझ कंट्रोल, ५-स्टार क्रॅश सेफ्टी समाविष्ट आहे.
