विना ड्रायव्हर रस्त्यावरुन धावली महिंद्राची कार, ‘कमालचा फीचर’ पण, कार मालकाने केला त्याचा गैरवापर अन्…

निखिल राणा नावाच्या व्यक्तीने YouTube वर एक व्हिडीओ अपलोड केला आहे. या व्हिडीओमध्ये महिंद्रा XUV700 च्या मालकाने ADAS ची ‘जादू’ लक्ष आकर्षित करुन घेणार्‍या पद्धतीने दाखवून आपला जीव आणि वाहन कसे धोक्यात आणले, हे दिसते. व्हिडीओमध्ये, राष्ट्रीय महामार्गावर महिंद्रा XUV700 दिसते आणि चालकाच्या सीटवर कोणीही नाही. हे दर्शवते की, XUV700 ची लेन कीप असिस्ट आणि अॅडॉप्टिव्ह क्रूझ कंट्रोल चालू होते, ज्यामुळे SUV तिच्या ड्रायव्हरच्या कोणत्याही मदतीशिवाय स्वतः चालत होती.

आणखी वाचा

चित्रास कारण की: जमिनीवरची मेंदी

Nana Patole : निकालाआधी राजकीय घडामोडींना वेग; यातच…

“ये आदमी पागल है”, तरुणीने रिक्षाचालकाला केली शिवीगाळ अन्…, पुढे जे घडलं ते खतरनाक, पाहा VIDEO

नागपुरात आणखी एक महाघोटाळा! अडीच हजार लोकांचे कोट्यवधी…

“ही गाडी म्हणजे माझी लक्ष्मी…”, सूरज चव्हाणकडे आहे खास KGF Bike! कोणी दिलीये भेट? म्हणाला…

“तो कारमध्ये एक हॉकी स्टिक…”, रोहित शेट्टीने अजय देवगणबाबत केला खुलासा; अभिनेता म्हणाला, “आता मी…”

वाहनांची विक्री घसरल्याने टाटा मोटर्सच्या नफ्यात ११ टक्के घट;  दुसऱ्या तिमाहीत ३,३४३ कोटी रुपयांवर

तथापि, व्हिडीओमधील आणखी धक्कादायक तपशीलामध्ये, XUV700 चा ड्रायव्हर को-ड्रायव्हरच्या सीटवर बसलेला दिसतो आणि तोही विरुद्ध दिशेने. ड्रायव्हर डॅशबोर्डवर पाठ टेकवत आहे तर त्याचे पाय मागील सीटकडे आहेत. त्याने को-ड्रायव्हर सीटचा मागील सपोर्ट त्याच्या पूर्ण रेक्लाइन अँगलवर लावला, ज्यामुळे तो आरामात पाय त्यावर ठेवू शकला.

(हे ही वाचा : Gurkha-Thar सर्व विसरुन जाल, देशात आली सर्वात स्वस्त १० सीटर कार, मोठ्या कुटुंबियांसाठी आहे बेस्ट)

XUV700 ADAS वैशिष्ट्ये

व्हिडीओमध्ये असेही दिसून आले आहे की, सुरक्षा अलार्म सिस्टममधून सतत होणारे बीप टाळण्यासाठी सीट बेल्ट अशा प्रकारे बांधले गेले की जे योग्यप्रकारे नव्हते. अन् को-ड्रायव्हरच्या सीटवर बसलेली व्यक्ती आपला मोबाईल फोन वापरत आहे तर त्याची XUV700 ADAS ड्युटीसह ऑटो मोडमध्ये चालत होती.

वैशिष्ट्याचा गैरवापर

हा व्हिडीओ महिंद्रा XUV700 मध्ये ऑफर केलेल्या ADAS सिस्टीम किती प्रभावी आहेत हे दाखवत असताना, ते कसे वापरले जाऊ नयेत, हे देखील दाखवते. महिंद्रा XUV700 मधील ADAS फंक्शन्स हे असे वाहन बनवत नाही जे स्वतः चालवू शकते, कारण तरीही काही विशिष्ट ठिकाणी ड्रायव्हरकडून स्टीयरिंग इनपुटची आवश्यकता असते. स्टीयरिंग व्हीलवर हात न ठेवता ADAS फंक्शन्स वापरणे पूर्णपणे मूर्खपणाचं आहे, जे घटनांच्या धोकादायक क्रमात बदलू शकते.

महिंद्रा XUV700 च्या मालकांना त्यांच्या वाहनांमध्ये ADAS फंक्शन चुकीच्या आणि धोकादायक पद्धतीने केले जात असल्याचे आढळून येण्याची ही पहिलीच वेळ नाही. व्हिडीओच्या आधारे, सोशल मीडियावर काही ‘लाइक्स’ आणि लक्ष वेधण्यासाठी स्वतःचा आणि इतरांचा जीव धोक्यात घालणाऱ्या अशा मूर्ख कार मालकांवर कठोर कारवाई व्हायला हवी, अशा मागणी लोकांनी केली आहे.