मारुती सुझुकीच्या गाड्यांचा भारतीय बाजारपेठेत नेहमीच दबदबा पाहायला मिळतो. कार विक्रीतही मारुतीच्या कार नेहमी अव्वलस्थानीच असतात. आता पुन्हा एकदा नुकत्याच भारतीय बाजारपेठेत दाखल झालेल्या मारुतीच्या एका SUV नं नवा विक्रम नोंदविला आहे. नवीन Maruti Suzuki Fronx ने लाँच झाल्यापासून या दहा महिन्यात १ लाख युनिट्सचा विक्रीचा टप्पा ओलांडला होता. आत हेच यश कायम ठेवण्यासाठी मारुती सुझुकीने Fronx Turbo Velocity Edition लाँच केली आहे. या Fronx SUV चे हे नवीन Turbo Velocity Edition Delta+, Zeta आणि Alpha प्रकारांमध्ये सादर करण्यात आले आहे. या नवीन आवृत्तीमध्ये ग्राहकांना कोणतेही यांत्रिक बदल दिसणार नाहीत. त्याऐवजी हे फक्त कॉस्मेटिक असतील. यात मोफत ॲक्सेसरीज मिळतील जे MY23 आणि MY24 या दोन्ही मॉडेल्समध्ये लागू होतील.
Turbo Velocity Edition मध्ये कॉस्मेटिक बदलांसाठी ४३,००० किमतीच्या १६ कॉम्प्लिमेंट्री ॲक्सेसरीज मिळतील. हे ॲड-ऑन डेल्टा+, झेटा आणि अल्फा प्रकारांसाठी सामान्य असतील. एक्सटीरियर ॲक्सेसरीजबद्दल बोलायचे झाले तर त्यात स्टाइल आणि फंक्शन यांचे मिश्रण पाहायला मिळेल. ॲक्सेसरीज म्हणून, ग्राहकांना प्रीमियम डोअर व्हिझर, फ्रंट बंपरवर पेंट केलेले गार्निश, ORVM कव्हर, हेडलॅम्प आणि मागील बंपर यांसारखे बाह्य स्टाइलिंग किट पाहायला मिळतील.
(हे ही वाचा : Hero, Honda, TVS की Bajaj भारतीय बाजारपेठेत कोणत्या बाईकला सर्वाधिक मागणी? पाहा ‘ही’ यादी )
दुसरीकडे, जर आपण इंटीरियरबद्दल बोललो, तर त्यात रेड डॅश डिझायनर मॅट, नेक्सक्रॉस बोर्डो किंवा ब्लॅक फिनिशमधील सीट कव्हर्स, कार्बन फिनिशिंग स्टाइलिंग किट आणि 3D बूट मॅट यांसारख्या ॲक्सेसरीज मिळतील. कोणत्याही अतिरिक्त किंमतीशिवाय या ॲक्सेसरीजचे ॲड-ऑन टर्बो व्हेलोसिटी व्हर्जनला समोरच्या टर्बो प्रकाराचा विचार करणाऱ्यांसाठी अधिक आकर्षक बनवते. Fronx Turbo Velocity Edition मध्ये ग्राहकांना १.०-लीटर के-सीरीज टर्बो पेट्रोल इंजिन मिळेल. ही SUV बाजारात ७.५१ लाख रुपयांपासून ते १३.०४ लाख रुपयांपर्यंत (एक्स-शोरूम) किमतीत उपलब्ध आहे.
Turbo Velocity Edition ला पाठिंबा देण्यासाठी आणि Fronx ची मजबूत विक्री कामगिरी राखण्यासाठी, मारुती सुझुकीने MY23 आणि MY24 या दोन्ही मॉडेल्सवर आकर्षक सवलती जारी केल्या आहेत. २०२३ Fronx, टर्बो प्रकारांवर ३०,००० रुपयांची रोख सूट आणि १०,००० रुपयांपर्यंतचा एक्सचेंज बोनस दिला जात आहे. त्याच वेळी, जर टर्बो वेलोसिटी एडिशनच्या ॲक्सेसरीजचे मूल्य जोडले गेले तर ग्राहकांना एकूण ८३,००० रुपयांपर्यंतचे फायदे मिळतील.
