Maruti Suzuki Fronx: दिग्गज कार निर्माता मारुती सुझुकी लवकरच Fronx कॉम्पॅक्ट क्रॉसओवर लाँच करणार आहे, त्याच्या किमती या आठवड्यात घोषित केल्या जाऊ शकतात, जर या आठवड्यात नाही तर महिन्याच्या दुसऱ्या आठवड्यात हे होऊ शकते. बाजारात लाँच झाल्यानंतर, मारुती फ्रॉन्क्स टाटा पंच, निसान मॅग्नाइट आणि रेनॉ किगर सारख्या एसयूव्हीशी स्पर्धा करेल. या वर्षी जानेवारी मध्ये ऑटो एक्सपो मध्ये फ्रॉन्क्स अनवील करण्यात आली होती. याची बुकिंग सुद्धा सुरू करण्यात आली होती. मारुतीच्या या अपकमिंग एसयूव्हीला बंपर रिस्पॉन्स मिळत आहे.
Maruti Suzuki Fronx इंजिन
मारुती फ्रॉन्क्स एसयूव्हीमध्ये १.०-लिटर, ३-सिलेंडर टर्बो पेट्रोल बूस्टरजेट किंवा १.२-लिटर, ४-सिलेंडर नैसर्गिकरित्या एस्पिरेटेड पेट्रोल इंजिन दिसू शकते. लाईट हायब्रीड टेक्नॉलॉजीसह याला बूस्ट पॉवर मिळेल. हे साधारणपणे १४७.६Nm/१००bhp आणि ११३Nm/९०bhp चे आउटपुट जनरेट करतात. इंजिनला ५-स्पीड मॅन्युअल आणि ५-स्पीड AMT गिअरबॉक्स पर्याय मिळू शकतो. तर टर्बो-पेट्रोल इंजिनला ५-स्पीड मॅन्युअल आणि ६-स्पीड टॉर्क कन्व्हर्टर ऑटोमॅटिक ट्रान्समिशन मिळू शकते. सुरक्षिततेसाठी यात हिल होल्ड असिस्ट आणि रोलओव्हर मिटिगेशन आणि EBD सह ABS सह ESP सह ६ एअरबॅग मिळतात.
(हे ही वाचा : Car Loan: कार चोरीला गेली तरी EMI भरावे लागणार का? जाणून घ्या काय सांगतो नियम )
Maruti Suzuki Fronx डिझाईन
फ्रॉन्क्स ही बॅलेनो-आधारित SUV कूप आहे. हार्टेक्ट मोनोकोक प्लॅटफॉर्मवर तयार केले आहे. त्याचे काही बॉडी पॅनल्स बलेनो हॅचबॅकमधून नेण्यात आले आहेत तर स्प्लिट हेडलॅम्प सेटअप आणि अधिक सरळ फ्रंट एंड ग्रँड विटारातून घेण्यात आले आहेत. यात फॉक्स स्किड प्लेट्स आणि सभ्य क्रोम वापरून अतिशय स्पोर्टी फ्रंट आणि रियर बंपर देण्यात आले आहेत. साइड प्रोफाईल १७-इंच अलॉय व्हील्स आणि कूप स्टाइल रूफलाइन दाखवते.
Maruti Suzuki Fronx रंग
हे एकूण ९ रंग पर्यायांमध्ये ऑफर केले आहे, यामध्ये ६ सिंगल कलर पर्याय आहेत ज्यात नेक्सा ब्लू, आर्टीक व्हाइट, ऑपलेट रेड, ग्रेडेयर अर्थेन ब्राऊन, स्प्लेंडिड सिलव्हरसारख्या रंगाचा समावेश आहे. तर ड्युएल टोन कलर पर्यायांमध्ये ३ ड्यूएल टोन देण्यात आले आहेत. ज्यामध्ये अर्थन ब्राउनबरोबर ब्लूइश ब्लॅक, ऑपलेंट रेडबरोबरच ब्लूइश ब्लॅक आणि स्प्लेंडिड सिलव्हरबरोबरच ब्लूइश ब्लॅक रंगाचा पर्याय देण्यात आला आहे.
(हे ही वाचा : Tata-Mahindra वर भारी पडली ‘ही’ कंपनी, एका वर्षात विकल्या ७.२ लाख गाड्या, बनली देशातली नंबर २ )
Maruti Suzuki Fronx इंटीरियर आणि वैशिष्ट्ये
आत, मारुती सुझुकी फ्रॉन्क्सला ब्लॅक आणि बोर्डो कलर स्कीम आणि डॅशबोर्डवर मेटल सारखी मॅट फिनिश मिळते. फ्रॉन्झला टर्न-बाय-टर्न नेव्हिगेशन, ३६० व्ह्यू कॅमेरा, वायरलेस चार्जर, वायरलेस ऍपल कारप्ले आणि अँड्रॉइड ऑटो कनेक्टिव्हिटीसह ९-इंच इन्फोटेनमेंट सिस्टमसह हेड्स अप डिस्प्ले मिळतो.
Maruti Suzuki Fronx किंमत
मारुती सुझुकी फ्रॉन्क्स या कारच्या एंट्री-लेव्हल व्हेरिएंटची किंमत सुमारे ८ लाख रुपये असण्याची शक्यता असून या कारच्या टॉप व्हेरियंटची एक्स-शोरूम किंमत ११ लाख रुपये असण्याची शक्यता आहे.
