Maruti Suzuki Baleno चा पहिला लूक सोशल मीडियावर लीक, लवकरच होणार लाँच

मारुती सुझुकी आपली लोकप्रिय कार बलेनोचं फेसलिफ्ट मॉडेल लाँच करण्याच्या तयारीत आहे. कंपनीने नव्या बलोनो गाडीचा टीझर जारी केला आहे. नव्या मॉडेलमध्ये फ्रंट आणि एक्सटिरियर हायलाइट केलं आहे. कंपनी फेब्रुवारी महिन्याच्या शेवटी नवी बलेनो गाडी लाँच करण्याची शक्यता आहे. तसेच अधिकृत नोंदणीही लवकरच सुरु होणार आहे. नव्या बलोनोत काही अपडेट्स असणार आहे. बलेनोच्या एक्सटिरियरमध्ये काही बदल करण्यात आले आहेत. यात नविन एलॉय व्हील्स, रॅपराउंड टू पीस एलईडी टेल लाइट्स, हाय माउंटेड टॉप लॅम्पसह इंटीग्रेटेड स्पॉइलर, एक शार्क फिन एंटिना आणि रिफ्लेक्टरसह नवी डिझाइन असणार आहे. मागचा बम्पर जुन्या मॉडेलच्या तुलनेत उंच असणार आहे. त्याचबरोबर अपग्रेटेड ग्रिल असून क्रोम इंसर्ट असेल.