Maruti Suzuki Price Hike: १ फेब्रुवारीपासून मारुती सुझुकीच्या गाड्या महागणार! कोणत्या कारची किंमत किती वाढली आहे?

देशातील सर्वात मोठी कार उत्पादक कंपनी मारुती सुझुकीने किंमतीत वाढ केली आहे. १ फेब्रुवारी २०२५ पासून त्यांच्या गाड्यांच्या विक्रीत वाढ जाहीर केली आहे

Written by शरयू काकडे

Updated: January 29, 2025 16:05 IST

१ फेब्रुवारीपासून मारुती सुझुकीच्या कार महागणार! (सौजन्य - फ्रिपीक)

Maruti Suzuki Cars Price Hike: २०२५ च्या पहिल्या महिन्यात म्हणजेच जानेवारीच्या शेवटच्या आठवड्यात आणि प्रजासत्ताक दिनानिमित्त, अनेक कंपन्या त्यांच्या कारवर आकर्षक सवलती आणि ऑफर्स देत आहेत, परंतु याउलट, देशातील सर्वात मोठी कार उत्पादक कंपनी मारुती सुझुकीने किंमतीत वाढ केली आहे. १ फेब्रुवारी २०२५ पासून त्यांच्या गाड्यांच्या विक्रीत वाढ जाहीर केली आहे. मारुती ज्या गाड्यांच्या किमती वाढवत आहे त्यात एंट्री लेव्हल हॅचबॅक मारुती अल्टो के१० ते ग्रँड विटारा यांचा समावेश आहे.

(Maruti Suzuki price hike: मारुतीच्या गाड्यांच्या किमती किती वाढल्या? (How much did the prices of Maruti cars increase?

१ फेब्रुवारीपासून मारुती सुझुकीच्या सर्व गाड्यांच्या किमतीत १,५०० ते ३२,५०० रुपयांपर्यंत वाढ होईल. या लेखात, किंमत वाढण्यापूर्वी आणि नंतर कोणत्या कार तुमच्या बजेटमध्ये बसतील आणि कोणत्या कार बजेट बाहेर असतील ते जाणून घ्या.

Maruti Suzuki price hike: मारुती सुझुकीने किंमत वाढण्यामागील कारण स्पष्ट केले ( Maruti Suzuki explains the reason behind the price hike)

आगामी किमती वाढण्यामागील कारण अधिकृतपणे स्पष्ट करताना, मारुती सुझुकीने म्हटले आहे की – “कंपनी खर्चाचे नियोजन (ऑप्टिमायझेशन) करण्यासाठी आणि ग्राहकांवर होणारा परिणाम कमी करण्यासाठी वचनबद्ध असली तरी, आम्हाला वाढीव खर्चाचा काही भाग बाजारपेठेत सोपवावा लागेल.”

हेही वाचा –

2025 Honda Dio or Activa: होंडाची नवीन डिओ स्कूटर ॲक्टिव्हापेक्षा स्वस्त आहे का? जाणून घ्या किंमत अन् खास फिचर्स

Maruti Suzuki price hike: सर्वाधिक किमतीत वाढ (Highest price hike)

सर्वांना आश्चर्य वाटेल की, मारुती सुझुकीच्या पोर्टफोलिओमध्ये सेलेरियोची किंमत ३२,५०० रुपयांनी वाढणार आहे. त्यानंतर अल्टो के१० आहे, जी लाइनअपमधील सर्वात परवडणारी मॉडेल आहे, ज्याची किंमत १९,५०० रुपयांनी वाढणार आहे.

मारुतीच्या सर्वाधिक विक्री होणाऱ्या लोकप्रिय एर्टिगा एमपीव्हीच्या किमतीत १५,००० रुपयांची वाढ होणार आहे, तर नेक्सा श्रेणीतील तिच्या सहा आसनी XL6 च्या किमतीत १०,००० रुपयांची वाढ होणार आहे. अपेक्षेप्रमाणे, टोयोटा इनोव्हा हायक्रॉसवर आधारित इन्व्हिक्टोच्या किमतीत ३०,००० रुपयांची लक्षणीय वाढ होणार आहे, जी सेलेरियोनंतरची दुसरी सर्वात मोठी वाढ असेल.

किमतीत ही वाढ विशेषतः मारुतीच्या एसयूव्ही श्रेणीमध्ये दिसून येईल. आधी सांगितल्याप्रमाणे, ग्रँड विटाराची किंमत २५,००० रुपयांनी वाढेल, तर ब्रेझाची किंमत २०,००० रुपयांनी वाढेल.

हेही वाचा –

BMW ते Mercedes-Benz पर्यंत… शार्क टँकचे १० शार्क्स या आलिशान कारचे आहेत शौकीन? वाचा कोणाकडे आहे कोणती कार?

मारुती सुझुकीच्या किमतीत वाढ: मारुती सुझुकीच्या किमतीत वाढ यादी कुठे मिळेल? (Maruti Suzuki price hike: Maruti Suzuki SUV range also become more expensive)

जर तुम्ही संभाव्य खरेदीसाठी या दरवाढीवर बारकाईने लक्ष ठेवून असाल, तर खाली दिलेली मारुती सुझुकी कारची किंमतवाढ यादी तुमच्यासाठी आहे, ज्याद्वारे तुम्हाला मॉडेलनुसार किंमतवाढीची माहिती मिळू शकेल.

अल्टो के१० – १९,५०० रुपयांपर्यंत
एस-प्रेसो – ५,००० रुपयांपर्यंत
सेलेरियो- ३२,५०० रुपयांपर्यंत
वॅगन आर -१५,००० रुपयांपर्यंत
स्विफ्ट – ५,००० रुपयांपर्यंत
डिझायर – १०,००० रुपयांपर्यंत
ब्रेझा – २०,००० रुपयांपर्यंत
एर्टिगा – १५,००० रुपयांपर्यंत
इको – १२,००० रुपयांपर्यंत
सुपर कॅरी – १०,००० रुपयांपर्यंत
इग्निस – ६,००० रुपयांपर्यंत
बॅलेनो – ९,००० रुपयांपर्यंत
सियाझ – १,५०० रुपयांपर्यंत
एक्सएल६ – १०,००० रुपयांपर्यंत
फ्रँक्स(Fronx) – ५,५०० रुपयांपर्यंत
इन्व्हिक्टो – ३०,००० रुपयांपर्यंत
जिम्नी (Jimny)- १,५०० रुपयांपर्यंत
ग्रँड विटारा -२५,००० रुपयांपर्यंत

मराठीतील सर्व ऑटो बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Maruti suzuki price hike maruti suzuki cars will become more expensive from february 1 how much has the price of which car increased snk

Maruti Suzuki Price Hike: १ फेब्रुवारीपासून मारुती सुझुकीच्या कार महागणार! कोणत्या कारची किंमत किती वाढली आहे?

(Maruti Suzuki price hike: मारुतीच्या गाड्यांच्या किमती किती वाढल्या? (How much did the prices of Maruti cars increase?

Maruti Suzuki price hike: मारुती सुझुकीने किंमत वाढण्यामागील कारण स्पष्ट केले ( Maruti Suzuki explains the reason behind the price hike)

Maruti Suzuki price hike: सर्वाधिक किमतीत वाढ (Highest price hike)

मारुती सुझुकीच्या किमतीत वाढ: मारुती सुझुकीच्या किमतीत वाढ यादी कुठे मिळेल? (Maruti Suzuki price hike: Maruti Suzuki SUV range also become more expensive)