Maruti Car Sales In March 2023: भारतीय वाहन उत्पादक कंपनी मारुती सुझुकीचं बाजारपेठेत वर्चस्व आहे. भारतीय बाजारात मारुती सुझुकी कंपनीच्या कार सर्वाधिक पसंत केल्या जातात. मारुती सुझुकी वॅगनआर ही देशातील सर्वाधिक विक्री होणाऱ्या कारपैकी एक आहे. ही अनेक वेगवेगळ्या महिन्यांत सर्वाधिक विक्री होणारी कार देखील आहे. मार्च महिन्यातही तिची चांगली विक्री झाली आहे, ही देशातील दुसरी सर्वाधिक विक्री होणारी कार ठरली आहे. परंतु, त्याची विक्री वार्षिक आधारावर तुलना केली तर ती कमी झाली आहे. वर्ष-दर-वर्ष आधारावर, मारुती सुझुकी वॅगनआरच्या विक्रीत ३० टक्क्यांनी घट झाली आहे. कंपनीने मार्च २०२३ मध्ये त्यातील केवळ १७,३०५ युनिट्सची विक्री केली आहे, तर गेल्या वर्षी याच कालावधीत (म्हणजे मार्च २०२२), मारुती सुझुकीने WagonR च्या २४,६३४ युनिट्सची विक्री केली आहे. Maruti Suzuki WagonR फीचर्स मारुती WagonR च्या सुरक्षा वैशिष्ट्यांबद्दल बोलायचं झाल्यास भारतातील सर्वात जास्त विकली जाणारी आणि परवडणारी फॅमिली कार म्हणून तीच्याकडे पाहिलं जातं. ही ५-सीटर कार आहे. 12 पेक्षा जास्त सुरक्षा फीचर्स या कारमध्ये दिसतात. मारुती वॅगनआरमध्ये ड्रायव्हर एअरबॅग, पॅसेंजर एअरबॅग, EBD सह ABS, बजरसह सीट बेल्ट रिमाइंडर, सीट बेल्ट प्री-टेन्शनर, स्पीड अलर्ट सिस्टम, स्पीड सेन्सिटिव्ह ऑटो डोअर लॉक, सिक्युरिटी अलार्म, रिअर पार्किंग सेन्सर, सेंटर डोअर लॉकिंग, चाइल्ड प्रूफ असे फीचर्स आहेत. (हे ही वाचा : किंमत कमी अन् परफाॅर्मन्सची हमी! ‘या’ चार सर्वात स्वस्त स्पोर्ट्स बाईकसाठी ग्राहकांची शोरुम्सवर गर्दी ) Maruti Suzuki WagonR मायलेज मारुती सुझुकीनं आपली लोकप्रिय हॅचबॅक वॅगनआर अधिक चांगल्या लूक आणि फीचर्ससह बाजारात आणली होती. त्यानंतर या कारची क्रेझ इतकी वाढली. मारुती सुझुकी वॅगनआर ही कार पेट्रोल मॅन्युअल ट्रान्समिशनवर २३.३६ किमी प्रति लीटर इतकं मायलेज देते. या कारचं एजीएस मॉडेल २४.४३ किमी प्रति लीटर इतकं मायलेज देते. सीएनजीवर ही कार ३४.०५ किमी प्रति किलो इतकं मायलेज देते. Maruti Suzuki WagonR किंमत या कारची सुरुवातीची दिल्लीतली एक्स शोरूम किंमत ५.५३ लाख रुपये इतकी आहे. या कारच्या टॉप व्हेरिएंटची किंमत ७.२० लाख रुपये इतकी आहे. तर या कारच्या सीएनजी मॉडेलची किंमत ६.४२ लाख रुपये इतकी आहे.
