Maruti Swift CNG vs Tata Tiago CNG: भारतात CNG हॅचबॅक कार्सची मागणी सातत्याने वाढत आहे. बाजारात उपलब्ध असलेल्या स्विफ्ट सीएनजी आणि टियागो सीएनजी या दोन लोकप्रिय कार्समधली सर्वात मोलाची CNG हॅचबॅक कार कोणती, हे आज आपण जाणून घेणार आहोत. मारुती सुझुकीने आपल्या CNG वर्जनमध्ये Swift लॉन्च केली, ज्याची एक्स-शोरूम किंमत ८.२० लाख रुपये इतकी आहे. Swift CNG तीन व्हेरियंट्समध्ये येते: VXI CNG, VXI (O) CNG आणि ZXI CNG. या कारची Tata Tiago CNG शी स्पर्धा आहे, जी बाजारपेठेतील एकमेव सीएनजी हॅचबॅक कार आहे, जी मॅन्युअल आणि एएमटी गिअरबॉक्स पर्यायदेखील देते. मारुती स्विफ्ट सीएनजी vs टाटा टियागो सीएनजी : स्पेसिफिकेशन, मायलेज. मारुती सुझुकी स्विफ्ट सीएनजी १.२-लिटर, ३-सिलेंडर तसेच N/A इंजिनसह चालते. हा CNG व्हेरियंट 5700 rpm वर 69 bhp आणि 2900 rpm वर 101.8 Nm टॉर्क निर्माण करतो. हे 5-स्पीड मॅन्युअल ट्रान्समिशनसह येते. मारुती सुझुकीचा दावा आहे की नवीन स्विफ्ट 32.85 किमी/किलो इतकी इंधन कार्यक्षमता देते, जी पूर्वीच्या जनरेशनच्या मॉडेलपेक्षा 6 टक्के जास्त आहे. दुसरीकडे, Tiago, आठ मॅन्युअल ट्रिम्स आणि चार AMT प्रकारांमध्ये उपलब्ध आहे. याला 6000 rpm वर 72 bhp आणि 3500 rpm वर 95 Nm टॉर्कसह 1.2-लिटर N/A इंजिन मिळते. आधी सांगितल्याप्रमाणे, ते एकतर 5-स्पीड मॅन्युअल किंवा 5-स्पीड एएमटीशी जोडलेले आहे. AMT साठी 26.49 किमी/किलो आणि 28.06 किमी/किलो रिटर्न देते. हेही वाचा. TATA Electric Car Discounts: सणासुदीला कार खरेदी करताय? Tata Motors देणार ‘या’ इलेक्ट्रिक कार्सवर तब्बल ३ लाखांचं डिस्काउंट अन् ही खास ऑफर मारुती स्विफ्ट सीएनजी vs टाटा टियागो सीएनजी : फीचर्स आणि किंमत स्विफ्ट CNG मध्ये सहा एअरबॅग्ज, इलेक्ट्रॉनिक स्टॅबिलिटी प्रोग्राम+, हिल होल्ड असिस्ट, रिव्हर्स पार्किंग सेन्सर्स आणि ABS आणि EBD सारखी सेफ्टी फीचर्स आहेत. हे स्वयंचलित हवामान नियंत्रण, रेअर एसी व्हेंट, एक वायरलेस चार्जर, 60: 40 स्प्लिट रेअर सीट्स आणि Apple CarPla सह 7-इंच इंफोटेनमेंट सिस्टम आणि Android Auto आणि कनेक्टेड टेक्नॉलेजीलदेखील देते. स्विफ्टला 55 लिटर क्षमतेचा सिंगल सीएनजी सिलेंडर मिळतो. हेही वाचा. New Hero Destini 125 vs TVS Jupiter 110: दोन्ही स्कूटर्स झाल्या नव्या फिचर्स अन् डिझाईनस लॉंच! कोणती स्कूटर ठरणार वरचढ? घ्या जाणून… 66 लिटर क्षमतेचे दुहेरी सीएनजी सिलिंडर देणारी टियागो ही पहिली हॅचबॅक कार आहे, जी थेट सीएनजी मोडमध्ये सुरू करता येते. 4-स्टार ग्लोबल NCAP सेफ्टी रेटिंग प्राप्त करणारी ही त्यांच्या सेगमेंटमधील एकमेव कार आहे. सुरक्षेच्या बाबतीत, यात दोन एअरबॅग्ज, EBD आणि कॉर्नर स्टेबिलिटी कंट्रोलसह ABS, EBD सह ABS आणि टायर प्रेशर मॉनिटरिंग सिस्टम आहे. यात 7-इंचाच्या इन्फोटेनमेंट सिस्टमसह Apple CarPlay आणि Android Auto, फॉग लॅम्प्स, रेन सेन्सिंग वाइपर, ऑटोमॅटिक हेडलाइट्स आणि रेअर पार्किंग कॅमेरा आहे.
