Top 10 Car Exports May 2023: वाढत्या महागाईचा परिणाम भारतातच नाही तर परदेशातही दिसून येत आहे. त्यामुळेच मे महिन्यात वाहनांच्या निर्यातीत घट झाली आहे. गेल्या महिन्यात प्रवासी वाहनांच्या निर्यातीत ६.४२ टक्क्यांची घट झाली असून एकूण ५३,२३७ वाहने परदेशात पाठवण्यात आली आहेत. जर आपण सर्वाधिक निर्यात होणाऱ्या कारबद्दल बोललो, तर या प्रकरणात मारुतीच्या स्वस्त कारने इतर सर्वांचा पराभव केला आहे. सर्वाधिक विक्री होणारी मारुती बलेनो आणि मारुती स्विफ्टही या वाहनासमोर फिक्या पडल्या आहेत. चला तर पाहूया कोणत्या आहेत या कार…
‘या’ कारची परदेशातही झाली जबरदस्त विक्री
- मे महिन्यात Maruti Spresso ची सर्वाधिक निर्यात झाली आहे. त्याची ५,९२५ युनिट्स परदेशात पाठवण्यात आली आहेत. तर १ वर्षापूर्वी म्हणजेच मे २०२२ मध्ये त्यातील केवळ ३,६९२ युनिट्सची निर्यात झाली होती. अशा प्रकारे, Spressoच्या निर्यातीत थेट ६० टक्क्यांची वाढ झाली आहे. Spressoची भारतात किंमत ४.२ लाख रुपयांपासून सुरू होते.
- Hyundai Xcent या यादीत दुसऱ्या क्रमांकावर आहे, ज्याने ५,१९८ युनिट्सची निर्यात केली आहे. मारुती बलेनो तिसऱ्या तर Maruti Celerio चौथ्या क्रमांकावर आहे. या दोन्ही कारच्या अनुक्रमे ४,९१० युनिट्स आणि ३,४१३ युनिट्स विदेशात निर्यात केल्या आहेत. येथे हे लक्षात घेण्यासारखे आहे की Celerioच्या निर्यातीत १५० टक्क्यांची वाढ झाली आहे.
- त्याचप्रमाणे Volkswagen Virtus पाचव्या क्रमांकावर होती, ज्यांच्या ३,०९९ युनिट्स परदेशात पाठवण्यात आल्या आहेत. सहाव्या क्रमांकावर Maruti Suzuki Dzire आणि सातव्या क्रमांकावर Kia Sonet आहे. त्याचप्रमाणे, Maruti Suzuki Ertiga या यादीत आठव्या स्थानावर, Maruti Swift नवव्या स्थानावर आणि Kia Seltos दहाव्या स्थानावर आहे. एर्टिगाच्या निर्यातीत २३० टक्क्यांनी वाढ झाली आहे, तर स्विफ्टमध्ये ६० टक्क्यांनी घट झाली आहे.
दुप्पट नफ्याचे आमिष दाखवत व्यापाऱ्यासह अनेकांना दोन कोटीचा गंडा
‘मुलुंडचे लवकरच नवीन धारावी नामांतर’, संतप्त मुलुंडवासियांकडून मुलुंडमध्ये…
समृद्धी महामार्गावर ५०० लिटर डिझेलची चोरी, टोळ्यांकडून चारचाकी वाहनांचा वापर…
डोंबिवलीत वाहतुकीला अडथळा आणणाऱ्या ४० हातगाडी विक्रेते, रिक्षा चालकांवर कारवाई
मालेगाव प्रकरणी सॉफ्टवेअर आयातीच्या नावाखाली व्यवहार, अमेरिका, सिंगापूर, यूएईमधील कंपन्यांना कोट्यवधीची रक्कम पाठवली
भारत मोबिलिटी एक्स्पोमध्ये चीनचा दबदबा? युरोपप्रमाणे भारतीय बाजारपेठेवरही ‘आक्रमण’?
महात्मा गांधी रस्ता परिसरातून १५ लाखांचे मेफेड्रोन जप्त, दोघांना अटक
विकासात राज्याचा पहिला जिल्हा होऊ पाहणाऱ्या गडचिरोलीत वाळू तस्करांच्या हप्त्यांमुळे…
