Why Bike Does Not Use Diesel Engine: देशात बाईक चालकांची संख्या खूप जास्त आहे. कोट्यवधी लोक आपल्या दैनंदिन कामासाठी दुचाकीचा वापर करतात. शहरातच नव्हे तर गावातील प्रत्येक घरात आपल्याला बाईक दिसतील. पण तुम्ही कधी विचार केलाय का, बाईकमध्ये फक्त पेट्रोल इंजिन का दिले जाते आणि डिझेल इंजिन का दिले जात नाहीत? डिझेल तर स्वस्त इंधन आहे. मग का वापरत नाही, एकेकाळी बाजारात डिझेल इंजिन बाईक देखील उपलब्ध होत्या. पण नंतर बाईकमधून डिझेल इंजिन काढून टाकण्यात आले आणि फक्त पेट्रोल इंजिन दिले गेले. पण ते का काढण्यात आलं असावं, चला तर यामागचं नेमकं कारण काय, आज हे आपण समजून घेऊया…
बाईकमध्ये डिझेल इंजिन न वापरण्याची कारणे
आकार आणि वजन
डिझेल इंजिन हे पेट्रोल इंजिन पेक्षा मोठे असते आणि ते बाईक सारख्या छोट्या वाहनांवर बसवणेही एक आव्हानच आहे. याव्यतिरिक्त, डिझेल इंजिन पेट्रोल इंजिनपेक्षा जड असतात, ज्यामुळे बाईकच्या कार्यक्षमतेवर परिणाम होऊ शकतो.
निर्मिती आणि कॉम्प्रेशन
पेट्रोल इंजिनपेक्षा डिझेल इंजिन अधिक जटिल आहेत. त्यांना बनवण्याचा खर्चही जास्त आहे, त्यामुळे बाईकची किंमतही वाढणार आहे. याशिवाय, डिझेल इंजिनचे कॉम्प्रेशन रेशो जास्त आहे, ज्यामुळे ते अधिक कंपन आणि अधिक आवाज निर्माण करते.
(हे ही वाचा: भारतीयांची आवडती बाईक महागणार, ४ दिवसांनंतर Hero च्या दुचाकीसाठी जास्त पैसे मोजावे लागणार )
देखभाल
डिझेल इंजिन जास्त दाबाने काम करते, त्यामुळे डिझेल इंजिनमध्ये बिघाड होण्याचा धोका जास्त असतो. अशा स्थितीत पेट्रोल इंजिनच्या तुलनेत डिझेल इंजिनला जास्त देखभाल करावी लागते. यामुळे बाईकचा मेंटेनन्स खर्च वाढू शकतो.
परफॉर्मन्स
डिझेल इंजिन पेट्रोल इंजिनपेक्षा जास्त टॉर्क जनरेट करतात परंतु त्यांचा आरपीएम कमी असतो. त्यामुळे ज्या बाईकमध्ये हाय स्पीड किंवा जास्त परफॉर्मन्स आवश्यक असतो, जास्त आरपीएम आणि पॉवर आवश्यक असते, अशा स्थितीत डिझेल इंजिने चांगल परफॉर्मन्स करु शकत नाहीत.
प्रदूषण
डिझेल इंजिन पेट्रोल इंजिनाच्या तुलनेत जास्त प्रदूषण करते जे पर्यावरणासाठी हानिकारक आहे. त्यामुळेच आता इतर वाहनांमध्येही डिझेल इंजिन वापरले जात नाहीत अन् याच कारणामुळे दुचाकीमध्ये डिझेल इंजिन वापरले जात नाही.
