सणासुदीचा काळ सुरु झाला असून अनेक कंपन्या आपल्या कार्सना अपडेट करुन बाजारात सादर करत आहेत. यातच आता निसान मोटर्सने Magnite Kuro एडिशनला नव्या अवतारात सादर केले आहे. निसान मॅग्नाइटच्या या नवीनतम आवृत्तीचा आतील आणि बाह्य भाग पूर्णपणे काळा आहे. चला तर पाहूया या कारमध्ये काय असेल खास…
Nissan Magnite Kuro Edition डिझाइन
Magnite Kuro Edition मध्ये समोर एक वेगळी ग्रिल दिसेल. ज्याला काळा रंग देण्यात आलाय. स्लाईड प्लेट आणि रूफ रेल देखील ब्लॅक थीममध्ये देण्यात आली आहे. कारच्या हेडलॅम्पमध्येही काळ्या रंगाचे इन्सर्ट आहेत. दाराचे हँडलही काळे करण्यात आले आहेत. तुम्हाला कारमध्ये ब्लॅक अलॉय व्हील मिळतील ज्यामध्ये ब्रेक कॅलिपर लाल करून स्पोर्टी लुक देण्याचा प्रयत्न करण्यात आला आहे.
Nissan Magnite Kuro Edition वैशिष्ट्ये
कारचे इंटिरिअर खूपच प्रीमियम बनवण्यात आले आहे. यामध्ये तुम्हाला ब्लॅक रूफ लाइनर दिसेल, तर स्टीयरिंग व्हीलवर ब्लॅक लेदर रॅप दिसेल आणि एसी व्हेंट्सवर ब्लॅक ट्रिम देखील दिसेल. फीचर्सबद्दल बोलायचे झाले तर तुम्हाला कारमध्ये ३६० डिग्री कॅमेरा, वायरलेस चार्जिंग, ८ इंच टचस्क्रीन यासारखे फीचर्स पाहायला मिळतील. कारच्या सेफ्टी रेटिंगबद्दल बोलायचे झाल्यास, तुम्हाला GNCAP कडून ४ स्टार रेटिंग मिळते.
(हे ही वाचा : टाटा, महिंद्रा, टोयोटा ‘या’ कंपनीच्या कार्ससमोर सर्वांची बोलती बंद, लाखो लोकांच्या खरेदीसाठी रांगा )
Nissan Magnite Kuro Edition मायलेज
कंपनीने कारच्या इंजिनमध्ये कोणताही बदल केलेला नाही. हे आधीपासून अस्तित्वात असलेल्या १.० लिटर नॅचरली एस्पिरेटेड पेट्रोल आणि १.० लिटर टर्बो पेट्रोल इंजिनसह उपलब्ध असेल. तुम्ही कारमध्ये मॅन्युअल, ऑटोमॅटिक आणि सीव्हीटी गिअर बॉक्सचा पर्याय घेऊ शकता. जर आपण कारच्या मायलेजबद्दल बोललो तर ती सरासरी २७ किलोमीटर प्रति लीटर देते.
Nissan Magnite Kuro Edition किंमत
कंपनीने अद्याप कारच्या किंमतीचा खुलासा केलेला नाही पण, लवकरच तिची किमतही बुकिंगसोबतच जाहीर केली जाण्याची शक्यता आहे. मात्र, जवळपास १० लाख रुपये किमतीत ही कार बाजारात येईल, अशी शक्यता वर्तविण्यात येत आहे. मार्केटमध्ये या कारची स्पर्धा Nexon, Seltos, Brezza आणि Creta सारख्या वाहनांशी असेल.
