Nissan X Trail Launching Soon Know what is special about this car

कार घेण्याचा विचार करताय, तर तुमच्यासाठी आनंदाची बातमी आहे. निसान कंपनीची मोठी कार देशात लवकरच लाँच होणार आहे.

Nissan X Trail SUV लवकरच होणार लाँच (Photo-financialexpress)

तुम्ही देखील तुमच्या कुटुंबासाठी एखादी ७ सीटर कार खरेदी करण्याचा विचार करत असाल तर ही बातमी तुमच्यासाठी खास आहे. कारण, आज आम्ही तुम्हाला देशात लवकरच ७ सीटर SUV कार लाँच होणार आहेत. जपानची कार उत्पादक निसान कंपनीची मोठी कार लाँच होणार आहे. निसानची अपकमिंग कार X-Trail लवकरच लाँच होणार आहेत. चला जाणून घ्या दमदार ७ सीटर SUV कारबद्दल संपूर्ण माहिती.

निसानने भारतात तिच्या SUV ची चाचणी सुरू केली आहे. त्यापैकी निसान एक्स-ट्रेल २०२३ च्या मध्यापर्यंत बाजारात येऊ शकते. ही एसयूव्ही टोयोटा फॉर्च्युनरला टक्कर देईल. ही कार रेनॉल्ट-निसानच्या CMF-C प्लॅटफॉर्मवर आधारित चौथ्या पिढीचे मॉडेल असेल. ही कार CBU मार्गाने भारतात येईल.

पॉवरट्रेन कशी आहे?

नवीन X-Trail ही ई-पॉवर हायब्रीड तंत्रज्ञानाने सुसज्ज असलेली कंपनीची भारतातील पहिली कार असेल. त्याच्या जागतिक प्रकाराला १.५L टर्बोचार्ज्ड पेट्रोल इंजिनसह सौम्य हायब्रिड आणि १.५L टर्बो पेट्रोल युनिटसह मजबूत हायब्रिड पॉवरट्रेन मिळते. सौम्य हायब्रीड प्रकाराला 2WD प्रणाली मिळते आणि १६३PS/ ३०० Nm आउटपुट मिळते. ही कार ९.६ सेकंदात ० ते १०० किमी प्रतितास वेग पकडू शकते आणि २०० किमी/तास इतका वेगवान आहे.

(हे ही वाचा : मोठी रेंज, पॉवरफुल बॅटरी अन् नवीन रंग पर्यायांसह Ather ची स्वस्तात मस्त इलेक्ट्रिक स्कूटर लाँच; फीचर्सही जबरदस्त )

आकार काय असेल?

निसान एक्स-ट्रेलची लांबी ४६८० मिमी, रुंदी २०६५ मिमी आणि उंची १७२५ मिमी असेल. त्याचा व्हीलबेस २७५०mm आणि ग्राउंड क्लीयरन्स २०५mm असेल. त्याच्या ग्लोबल व्हेरियंटला ५ आणि ७-सीटरच्या दोन सीटिंग कॉन्फिगरेशन मिळतात.

Nissan X Trail SUV वैशिष्ट्ये

नवीन Nissan X Trail SUV ला प्रगत ड्रायव्हर सहाय्यता प्रणाली, स्मार्टफोन कनेक्टिव्हिटीसह १२.३-इंच टचस्क्रीन इन्फोटेनमेंट सिस्टम, ट्राय-झोन क्लायमेट कंट्रोल, १२.३-इंच डिजिटल इन्स्ट्रुमेंट क्लस्टर, इलेक्ट्रॉनिक पार्किंग ब्रेक, एलईडी हेडलॅम्प, हेड-अप डिस्प्ले (HUD) मिळेल. इलेक्ट्रिक टेलगेट, ३६० डिग्री कॅमेरासह इतर अनेक वैशिष्ट्ये देखील उपलब्ध असतील.

फॉर्च्युनरशी होणार स्पर्धा

टोयोटाच्या फॉर्च्युनरला दोन इंजिन पर्याय आहेत, १६६ PS/२४५ Nm आउटपुटसह २.७-लीटर पेट्रोल इंजिन आणि २०४PS/५००Nm आउटपुटसह २.८-लिटर टर्बो-डिझेल इंजिन आहे. यात ५-स्पीड मॅन्युअल, ६-स्पीड मॅन्युअल, ६-स्पीड ऑटोमॅटिक गिअरबॉक्सचा पर्याय आहे. ही कार २WD आणि ४WD पर्यायांमध्ये येते.

First published on: 13-01-2023 at 18:38 IST

मराठीतील सर्व ऑटो बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Nissan x trail launching soon know what is special about this car pdb

Nissanची दमदार SUV लवकरच होणार लाँच; फीचर आणि लूक एकदम जबरदस्त, फॉर्च्युनरला देणार टक्कर

कार घेण्याचा विचार करताय, तर तुमच्यासाठी आनंदाची बातमी आहे. निसान कंपनीची मोठी कार देशात लवकरच लाँच होणार आहे.

पॉवरट्रेन कशी आहे?

आकार काय असेल?

Nissan X Trail SUV वैशिष्ट्ये

फॉर्च्युनरशी होणार स्पर्धा