Nita Ambani Most Expensive Car: भारतीय उद्योगपती मुकेश अंबानी (Mukesh Ambani) देशातील सगळ्यात श्रीमंत व्यक्ती आहेत. आशियातील सर्वात श्रीमंत उद्योगपती मुकेश अंबानी कोट्यवधींची उलाढाल करतात. अंबानी कुटुंब हे भारतातील सर्वात प्रभावशाली व्यावसायिक कुटुंबांपैकी एक आहे. मुकेश अंबानी आणि त्यांच्या कुटुंबीयांबाबत जाणून घेण्याची सर्वसामान्य माणसांना नेहमी उत्सुक्ता असते. अब्जाधीश उद्योगपती सध्या रिलायन्स इंडस्ट्रीजचे अध्यक्ष आणि व्यवस्थापकीय संचालक आहेत. त्यांच्याकडे महागड्या गाड्या आणि आलिशान बंगले आहेत. मुकेश अंबानी यांची पत्नी नीता अंबानी या नेहमीच त्यांच्या लक्झरी लाइफमुळे चर्चेत असतात.
मुकेश अंबांनी यांच्या पत्नी निता अंबानींचं राहणीमान हे नेहमीच त्यांच्या प्रतिष्ठेला शोभणारे असते. त्यांचे राहणीमान, कपडे, अलिशान घड्याळं, ब्रँडेड सँडल, महागडे परफ्यूम, बॅग्स यांसह इतरही गोष्टी नेहमीच चर्चेचा विषय ठरतात. नीता अंबानी महागड्या वस्तूंच्या मालक आहेत. नीता अंबानींच्या महागड्या शौकांमध्ये गाड्यांचाही नाव देखील समाविष्ट असल्याची माहिती आहे.
(हे ही वाचा: ८ लाखाच्या मारुतीच्या ‘या’ एसयूव्हीनं Nexon, चं वर्चस्व संपवलं! झाली तुफान विक्री, १० लाखांहून अधिक लोकांनी केली खरेदी)
मुकेश आणि नीता अंबानी यांना त्यांच्या महागड्या गाड्यांमधून प्रवास करताना अनेकदा पाहिले गेले आहे. उद्योगपती मुकेश अंबांनी यांचा Z+ सिक्युरिटीचा ताफा जेव्हा रस्त्यावरुन जातो, त्यावेळी त्यांच्या ताफ्यात अनेक महागड्या गाड्या पाहायला मिळतात. त्यांच्या ताफ्यात जगातील सर्वात सुरक्षित कारचा समावेश असतो. मुकेश अंबानी आणि त्यांच्या कुटुंबातील इतर सदस्यांकडे अनेक आलिशान गाड्या आहेत आणि मुंबईत त्यांच्या घरात गाड्यांचं गॅरेज असल्याची माहिती आहे.
नीता अंबानींच्या ताफ्यात ऑडी लॅम्बोर्गिनी सारख्या अनेक कार आहेत, आता नीता अंबानी यांच्या कारच्या ताफ्यात आणखी एक कार दाखल झाली आहे. या कारचे नाव Audi A9 Chameleon आहे. या कारचा लूक टेस्ला कारसारखाच आहे. असे बोलले जात आहे की, ऑडी कंपनीने फक्त मर्यादित कार बनवल्या आहेत आणि ही कार अजून भारतात उपलब्ध झालेली नाही. भारतातील ऑडीची एकमेव कार नीता अंबानींकडे आहे. ही कार नीता अंबानींना भेट देण्यात आली आहे.
उद्योगपती मुकेश अंबांनी यांनी ही एडिशन एसयूवी नीता अंबानींना गिफ्ट केली आहे. ही कार खूप सुरक्षित आणि महागडी कार मानली जाते. या कारची किंमत कोटीच्या घरात आहे. पण या कारची किंमत एक-दोन कोटी नाही तर तब्बल ९० कोटी रुपये इतकी आहे.
