Toyota to launch 100% Ethanol-powered Camry in August?: एक नवीन फ्लेक्स-इंधन कार देशात लाँच होण्यासाठी सज्ज आहे. ही कार पूर्णपणे इथेनॉलसारख्या पर्यायी इंधनावर चालणार आहे. केंद्रीय रस्ते वाहतूक आणि महामार्ग मंत्री, नितीन गडकरी यांनी घोषणा केली आहे की, ते ऑगस्ट २०२३ मध्ये भारतात टोयोटा कॅमरीचे फ्लेक्स-इंधन प्रकार लाँच करणार आहेत. फ्लेक्स-इंधन इथेनॉल इंधनावर चालणारे भिन्न प्रकारचे इंजिन आणि यंत्रणा वापरते. टोयोटा व्यतिरिक्त, मारुती सुझुकीने गेल्या ऑटो एक्स्पो दरम्यान आपल्या मारुती वॅगनआरचे फ्लेक्स इंधन प्रकार देखील सादर केले होते. गेल्या वर्षी २०२२ मध्ये, गडकरींनी आणखी एक फ्लेक्स-इंधन टोयोटा मॉडेल, कोरोला अल्टीसला झेंडा दाखवला, जो जैव इंधनावर चालणाऱ्या कारची व्यवहार्यता पाहण्यासाठी सादर करण्यात आला होता. केंद्रीय मंत्र्यांच्या मते, प्रदूषणाची पातळी कमी करण्यासाठी पर्यायी इंधनाकडे वाटचाल करणे आणि मोठ्या प्रमाणात इंधन आयातीवर देशाचे अवलंबित्व कमी करणे ही काळाची गरज आहे. टोयोटा कॅमरी स्‍ट्रॉन्ग हायब्रिड प्रकारात भारतीय बाजारपेठेत आधीच विक्रीसाठी उपलब्ध आहे. हे पारंपारिक पेट्रोल इंजिनसह इलेक्ट्रिक मोटर वापरते, जे प्रीमियम सेडान असूनही, सुमारे २१.१ kmpl चे मायलेज देते. आता सेडानचे नवीन फ्लेक्स-इंधन प्रकार लाँच केल्यामुळे, अधिक चांगली श्रेणी अपेक्षित आहे. (हे ही वाचा : ४.२ लाखाच्या कारसमोर सर्व पडल्या फिक्या, देशातच नव्हे तर परदेशातही उडवली खळबळ, होतेय धडाधड विक्री ) ब्राझील सारख्या देशांमध्ये, कॅमरी फ्लेक्स-इंधन प्रकार आधीच विक्रीसाठी उपलब्ध आहे कारण इथेनॉल-आधारित इंधन तेथे प्रचलित आहे. विशेष म्हणजे, फ्लेक्स-इंधनावर चालणाऱ्या मोटारींची किंमत इलेक्ट्रिक कार्सइतकी जास्त असणार नाही. त्यात किरकोळ बदल करून कंपनी ते बाजारात उतरवणार आहे. खरं तर, फ्लेक्स-इंधन मॉडेलमध्ये सर्वात मोठा बदल इंजिनच्या डब्यातच केला जातो. स्ट्राँग हायब्रिड कॅमरीपेक्षा फ्लेक्स-इंधन कॅमरी अधिक परवडणारी असेल, ज्याच्या किमती ४५.७१ लाख (एक्स-शोरूम) पासून सुरू होतात अशी अपेक्षा आहे. फ्लेक्स-इंधन म्हणजे काय? फ्लेक्स इंधन हे गॅसोलीन (पेट्रोल) आणि मिथेनॉल किंवा इथेनॉलच्या मिश्रणापासून बनवलेले पर्यायी इंधन आहे. फ्लेक्स-इंधन वाहन इंजिन एकापेक्षा जास्त प्रकारच्या इंधनावर चालण्यासाठी डिझाइन केलेले आहेत. इंजिन आणि इंधन प्रणालीतील काही बदलांव्यतिरिक्त, ही वाहने नियमित पेट्रोल मॉडेल्ससारखीच आहेत. हे नवीन तंत्रज्ञान नाही, कार बायबलनुसार हे तंत्रज्ञान पहिल्यांदा १९९० च्या दशकात सादर करण्यात आले होते आणि १९९४ मध्ये सादर केलेल्या फोर्ड टॉरसमध्ये ते मोठ्या प्रमाणावर वापरले गेले होते. तुम्हाला हे जाणून आश्चर्य वाटेल की, २०१७ पर्यंत, जगातील रस्त्यांवर सुमारे २१ दशलक्ष फ्लेक्स-इंधन वाहने होती. (हे ही वाचा : ‘ही’ स्कूटर घेण्यासाठी ग्राहकांची शोरूम्सवर गर्दी, २२ वर्षात विकल्या ३ कोटींहून अधिक स्कूटी) Flex-Fuel हे कसे तयार केले जाते? फ्लेक्स इंधनाचे उत्पादन भारतासाठी चिंतेचा विषय नाही, कारण ते ऊस, मका यांसारख्या उत्पादनांपासून बनवले जाते आणि भारत या पिकांचे पुरेशा प्रमाणात उत्पादन करतो. ऊस आणि मक्यापासून बनवलेले असल्याने त्याला अल्कोहोल बेस इंधन असेही म्हणतात. याशिवाय सामान्य पेट्रोलच्या तुलनेत इथेनॉल इंधन खूपच किफायतशीर आहे, जिथे पेट्रोलची किंमत १०० रुपयांच्या आसपास आहे, तर इथेनॉलची किंमत ६० ते ७० रुपयांच्या दरम्यान दिसत आहे. अशा परिस्थितीत हा एक चांगला पर्याय ठरेल. हायब्रिड इंजिन फ्लेक्स इंधन इंजिन ही ऑटोमोटिव्ह इंजिन आहेत जी एकापेक्षा जास्त इंधन पर्याय वापरू शकतात. अशा कार चालवण्यासाठी पेट्रोलसोबतच इथेनॉल, सीएनजी, बायो-एलएनजी आणि इलेक्ट्रिक पॉवरचाही इंधन म्हणून वापर केला जाऊ शकतो. भारत हा जगातील तिसरा सर्वात मोठा तेल आयात करणारा देश आहे. अशा परिस्थितीत फ्लेक्स-इंधनामुळे पेट्रोल-डिझेलवरील अवलंबित्व कमी होण्यास मदत होईल. (हे ही वाचा : केवळ ३० जणांच्या नशिबात आहे ‘ही’ जबरदस्त फीचर्सने रंगलेली कार, सीटला फोल्ड करुन बनवा बेड, अन् किमतही… ) कार चालवणे होईल स्वस्त फ्लेक्स इंधन इंजिनवर आधारित गाड्या १०० टक्के इथेनॉलवरही धावू शकतात. यामुळे पर्यावरणाचा फायदा तर होईलच शिवाय वाहन चालवण्यासाठी लोकांच्या खिशावरचा भारही कमी होईल. सध्या देशातील अनेक भागांमध्ये पेट्रोल आणि डिझेलची किंमत १०० रुपयांच्या आसपास आहे, तर इथेनॉलची किंमत केवळ ६३ ते ६५ रुपये प्रति लिटर आहे. अशा प्रकारे, ते पारंपारिक इंधन डिझेल आणि पेट्रोलच्या तुलनेत सुमारे ४० रुपयांनी स्वस्त आहे. ते पेट्रोलच्या तुलनेत ५० टक्के कमी प्रदूषण पसरवते. पेट्रोलच्या तुलनेत इथेनॉल वापरण्याचे मायलेज थोडे कमी असले तरी, तरीही मोठी बचत होते.
