ओकिनावा ऑटोटेकने भारतीय इलेक्ट्रिक स्कूटर क्षेत्रात आपले घट्ट पाय रोवले आहेत. त्यात इलेक्ट्रिक स्कूटरची मागणी गेल्या काही दिवसात वाढली आहे. त्यामुळे कंपनीने दुसरा उत्पादन प्लांट सुरु केला आहे. या प्लांटमुळे ग्राहकांची मागणी पूर्ण करता येणार आहे. राजस्थानच्या भिवडी येथे हा उत्पादन कारखाना सुरू केला आहे. यामुळे उत्पादन वाढवण्यास मदत होणार आहे.
भिवडी येथील प्लांट विविध कार्यात्मक क्षेत्रांमध्ये २५० हून अधिक लोकांना रोजगार देईल आणि कंपनीला त्याची उत्पादन क्षमता वाढविण्यात मदत करेल. सध्या अलवर येथील पहिल्या प्लांटची क्षमता दरवर्षी १,८०,००० युनिट्स इतकी आहे. मेट्रो शहरांमध्ये तसेच टियर 2 आणि टियर 3 स्थानांमध्ये ग्राहकांच्या टचपॉईंट्सचा विस्तार करण्यावर देखील भर दिला जात आहे. ओकिनावा ऑटोटेकचे एमडी आणि संस्थापक जितेंद्र शर्मा म्हणतात, “बाजार वेगाने विकसित होत आहे. वाढलेली क्षमता निःसंशयपणे आम्हाला विविध आणि नाविन्यपूर्ण उत्पादन पोर्टफोलिओसह ई-मोबिलिटीकडे मोठ्या प्रमाणावर संक्रमण करण्यास मदत करेल.दुसरा उत्पादन प्लांट भारतीय इव्ही उद्योगातील बाजारपेठेत आघाडीवर राहण्यास खूप मदत करेल.” आगामी स्कूटरपैकी काही मॉडेल्स सामान्य ग्राहकांसाठीही तयार करण्यात येत आहेत. या रेंजमध्ये कंपनीच्या बहुप्रतिक्षित मॅक्सी स्कूटरचा समावेश आहे.
Kia Carens: कियाची कॅरेन्स गाडी भारतात लाँच, किंमत आणि वैशिष्ट्ये जाणून घ्या
हिरो इलेक्ट्रिक, एथर एनर्जी आणि ओला इलेक्ट्रिक यासारख्या इलेक्ट्रिक टू-व्हीलर स्पेसमध्ये ओकिनावाची गणना केली जाते. परंतु इलेक्ट्रिक मोबिलिटी स्पेस हे एक समान स्पर्धा क्षेत्र आहे ज्यामध्ये मोठ्या संख्येने नवीन स्पर्धक तसेच संभाव्य खरेदीदारांसाठी स्टार्ट-अप विस्तारित पर्याय उपलब्ध आहेत. इलेक्ट्रिक मोबिलिटीकडे भारताची वाटचाल प्रामुख्याने इलेक्ट्रिक दुचाकी आणि तीन चाकी वाहनांद्वारे केली जात आहे. OEM देखील अधिक परवडणाऱ्या इलेक्ट्रिक कारकडे लक्ष देत असताना भविष्यात टू आणि थ्री-व्हीलरमधून जोर मिळण्याची शक्यता आहे.
