Top-4 Upcoming Cars Under 10 Lakh: पुढच्या वर्षी म्हणजेच २०२४ मध्ये भारतीय वाहन बाजारात अनेक नवीन कार्स लाँच होणार आहेत. अनेक कंपन्यांनी त्यासाठी जोरदार तयारीही सुरू केली आहे. नवीन वर्षात हॅचबॅक, एसयूव्ही आणि इलेक्ट्रिक कार्स मोठ्या प्रमाणात लाँच होतील. भारतीय बाजारात २०२४ मध्ये एकापेक्षा एक उत्तम कार्स सादर केल्या जाणार आहेत. या कारची किमतही दहा लाख रुपयांपेक्षा कमी असण्याची शक्यता वर्तविण्यात येत आहे. जर तुम्ही देखील नवीन कार घेण्याचा विचार करत असाल तर खालील पर्यायापैकी तुम्ही एक पर्याय निवडू शकता.
KIA SONET फेसलिफ्ट
Kia जानेवारी २०२४ मध्ये आपला सोनट फेसलिफ्ट सादर करेल. त्याचे बुकिंग सुरू झाले आहे. या छोट्या एसयूव्हीच्या किमती जानेवारीमध्ये जाहीर केल्या जातील. परंतु, त्याची किंमत सुमारे ८ लाख रुपयांपासून सुरू होण्याची शक्यता आहे. तथापि, मिड-लेव्हल आणि हाय-स्पेक व्हेरियंटची किंमत १० लाख रुपयांच्या वर असेल. त्यात एडीएएस लेव्हल-१ सह बरेच काही असणार आहे.
नवीन मारुती स्विफ्ट
मारुती सुझुकी २०२४ च्या पहिल्या तिमाहीत नवीन जनरेशन स्विफ्ट हॅचबॅक देशात लाँच करेल. हे सुधारित HEARTECT प्लॅटफॉर्मवर आधारित असू शकते. नवीन मॉडेलमध्ये काही डिझाइन बदल आणि सर्व-नवीन इंटीरियर मिळू शकते, जे मारुती सुझुकी स्विफ्ट आणि बलेनो द्वारे प्रेरित असू शकते. त्याची सुरुवातीची किंमत ६.५ लाख ते ७ लाख रुपये असू शकते.
(हे ही वाचा : पाकिस्तानची उतरती कळा सुरु! आर्थिक संकटामुळे ३० दिवसात फक्त ‘इतक्या’ कारची विक्री; आकडा तर… )
नवीन मारुती डिझायर
केवळ नवीन स्विफ्टच नाही तर मारुती सुझुकी आपली नवीन जनरेशन डिझायर सब-४ मीटर सेडान लाँच करण्याच्या तयारीत आहे. २०२४ च्या मध्यापर्यंत ते विक्रीसाठी उपलब्ध केले जाण्याची शक्यता आहे. नवीन मारुती डिझायर नवीन पिढीच्या स्विफ्ट हॅचबॅकसोबत डिझाइनमधील बदल आणि इंटीरियर शेअर करू शकते. त्याची सुरुवातीची किंमत देखील ६.५ लाख ते ७ लाख रुपये असू शकते.
टाटा अल्ट्रोझ फेसलिफ्ट
टाटा मोटर्स पुढील वर्षी २०२४ मध्ये Altroz हॅचबॅक फेसलिफ्ट सादर करू शकते. नवीन मॉडेलमध्ये ताज्या इंटिरियरसह नवीन टाटा कारपासून प्रेरणा घेऊन डिझाइन बदल असू शकतात. यात मोठी १०.२५-इंच टचस्क्रीन इन्फोटेनमेंट सिस्टम मिळण्याची अपेक्षा आहे. त्याची सुरुवातीची किंमत देखील १० लाख रुपयांच्या आत असेल.
