गेल्या दशकात रेनॉल्ट इंडियाने आणखी एक मैलाचा दगड पार केला आहे. दहा वर्षात रेनॉल्ट इंडियाने आठ लाख विक्रीचा टप्पा ओलांडला आहे. याचं श्रेय रेनॉल्टच्या Duster, Kwid आणि Triber या गाड्यांना जातं. या गाड्यांना भारतीय बाजारात मोठी मागणी आहे. २०१२ मध्ये भारतात पहिल्यांदा लाँच करण्यात आलेली डस्टर ही लोकप्रिय मॉडेल आहे. मध्यम आकाराच्या एसयूव्ही सेगमेंटमध्ये ग्राहकांच्या पसंतीस उतरली आहे. पण खऱ्या अर्थाने Kwid आणि Triber मुळे सकारात्मक प्रतिसाद मिळाला. क्विड गाडी २०१५ मध्ये लाँच करण्यात आली होती. गेल्या वर्षी नोव्हेंबरमध्ये चार लाख गाड्या विक्री झाल्याचं कंपनीने सांगितलं होतं. तर ट्रायबर ही तीन रो असलेली एमपीव्ही ऑगस्ट २०१९ मध्ये लाँच केली होती. ट्रायबर विक्रीही लाखाच्या घरात झाली आहे. या दोन्ही मॉडेल्समुळे रेनॉल्टला भारतीय बाजारात पाय रोवण्यास मदत केली.
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
