रॉयल एनफिल्ड बाईकचे जगभरात चाहते आहेत, विशेषत: भारतात या बाईकला खूप पसंत केले जाते. रॉयल एनफिल्ड बाईक्स अनेक दशकांपासून भारतीयांच्या हृदयावर राज्य करत आहेत. पण मोठ्या संख्येने चाहते असूनही, रॉयल एनफिल्डची सवारी करणे अजूनही जास्त किंमतीमुळे सर्वांसाठी शक्य नाही. पण जर तुम्हाला कमी खर्चात रॉयल एनफिल्डच्या दमदार ड्रायव्हिंगचा आनंद घ्यायचा असेल तर तुम्हाला बाईक विकत घेण्याची गरज नाही, तर तुम्ही कंपनीच्या रेंटल प्रोग्रामचा (रॉयल एनफिल्ड रेंटल प्रोग्राम) फायदा घेऊ शकता.
रॉयल एनफील्ड रेंटल प्रोग्राम काय आहे?
हा एक प्रकारचा सामान्य भाड्याचा प्रकार आहे. आपण कंपनीच्या बाईक भाड्याने घेऊ शकता. पण त्यातही काही अटी आणि नियम आहेत. पहिली अट म्हणजे कंपनीद्वारे चालवलेला हा कार्यक्रम देशातील काही निवडक शहरांमध्येच उपलब्ध आहे. जसे की, दिल्ली, जयपूर, जैसलमेर, हरिद्वार, चेन्नई, डेहराडून, मनाली, धर्मशाला आणि लेह इ.
एकूणच, देशातील २५ शहरांमध्ये तुम्ही या कार्यक्रमाचा लाभ घेऊ शकता, ज्याचा भविष्यात आणखी विस्तार करण्याची योजना आहे. याबाबतची सविस्तर माहिती कंपनीच्या अधिकृत वेबसाईटवर देण्यात आली आहे. सध्या सुमारे ३०० मोटारसायकली ४० वेगवेगळ्या भाड्याने देणार्‍या ऑपरेटरद्वारे भाड्याने उपलब्ध आहेत. तुम्ही रॉयल एनफिल्ड बाईक अगदी कमी किमतीत दररोज भाड्याने घेऊ शकता.
(हे ही वाचा :बाकी कंपन्यांची उडाली झोप, ‘या’ देशी स्वस्त सात सीटर कारचा देशभरात जलवा, खरेदीसाठी लागल्या रांगा, मायलेज २६ किमी )
रॉयल एनफिल्ड बाईक भाड्याने कशी घ्यावी?
रॉयल एनफिल्डने आपल्या भाडे कार्यक्रमाची प्रक्रिया अतिशय सोपी केली आहे. स्वारस्य असलेल्या व्यक्तींनी रॉयल एनफिल्ड रेंटल (https://www.royalenfield.com/in/en/rentals/) वेबसाइटला भेट देणे, त्यांचे शहर, पिक-अप तारीख, वेळ तसेच ड्रॉप-ऑफ तारीख आणि वेळ निवडणे आवश्यक आहे. साइट नंतर निवडलेल्या कालावधीसाठी उपलब्ध मॉडेल्स आणि संबंधित भाड्याच्या किमती दर्शवेल. येथे भाडे देखील दररोज दिले जाईल.
यानंतर युजरला ऑनलाइन फॉर्म भरून सबमिट करावा लागेल. फॉर्म सबमिट केल्यानंतर, ऑपरेटर तपशील दिले जातात. येथे हे लक्षात घेणे महत्वाचे आहे की, भाडे ऑपरेटर बाइक्सनुसार काही रक्कम देखील जमा करू शकतात, जी परत करण्यायोग्य असेल. हे वेगवेगळ्या ठिकाणांनुसार आणि बाइक्सनुसार बदलू शकते. येथे बाईक निवडल्यानंतर, तुम्हाला बाइकचे तपशील देखील दाखवले जातील, जसे की बाइक किती जुनी आहे किंवा ती किती किलोमीटर चालली आहे.
