तरुणांध्ये बाईक्सबाबत नेहमीच प्रचंड क्रेझ राहिली आहे. बाईकचे अनेकजण शौकीन आहेत. भारतीय दुचाकी मार्केटमध्ये Royal Enfield च्या बाईक्स खूप पसंत केल्या जातात. या बाईकचे जगभरातच चाहते आहेत. Royal Enfield च्या बाईक्स अनेक वर्षापासून ग्राहकांच्या मनावर राज्य करीत आहे. आता बाईकप्रेमींसाठी आनंदाची बातमी आहे. लवकरच देशात एक नवी Royal Enfield ची बाईक दाखल होणार आहे.

बाईकचा टीझर रिलीज

रॉयल एनफिल्ड ही कंपनी दरवर्षी एकापेक्षा जास्त दमदार बाईक्स लाँच करत असते. आता रॉयल एनफिल्ड कंपनी लवकरच ‘Royal Enfield Himalayan 452’ बाईक लाँच करणार असल्याची माहिती आहे. कंपनीने बाईक सादर करण्यापूर्वीच या बाईकचा टीझर रिलीज केला आहे. या टीझरमध्ये कंपनीने बाईक पूर्णपणे उघड केली आहे, ज्यातून बाईकची माहिती समोर आली आहे. या बाईकचा टीझर फोटो आता सोशल मीडियावर व्हायरल होत आहे.

आणखी वाचा
russia missile strike on ukraine
Russia Attack On Ukraine : रशियाचा युक्रेनवर पुन्हा क्षेपणास्र हल्ला, पोल्टावामधील लष्करी शिक्षण संस्थेला केलं लक्ष्य; ५० जणांचा मृत्यू, २७१ जखमी
8th September Rashi Bhavishya & Marathi Panchang
८ सप्टेंबर पंचाग: मेष, कुंभसह ‘या’ पाच राशींच नशीब बदलणार इंद्र योग; सुखाच्या सरी बरसणार तर कोणाचे कष्ट वाढणार; वाचा तुमचे भविष्य
Gyanradha Multistate, cheated, arrest,
तब्बल ३,५१५ कोटींनी फसवणूक करणाऱ्या ज्ञानराधा मल्टीस्टेटच्या प्रमुखांना अखेर ठोकल्या बेड्या
pune based software company indicus partnerhip with japan seiko solutions
पुणेस्थित इंडिकसची ‘सेको’शी भागीदारी
kanika tekriwal Success Story
The Sky Queen: कॅन्सरवर मात करून सुरू केला स्वतःचा व्यवसाय अन् झाली करोडो रुपयांची मालकीण
Mumbai, Capital Markets, Stock Indices, Sensex, Nifty, Federal Reserve, Jerome Powell, Jackson Hole Meeting, Domestic Institutional Investors, Foreign Institutional Investors,
तेजीवाल्यांची पकड घट्ट; ‘सेन्सेक्स’मध्ये शतकी वाढ
Startups like Ola Electric Mobility FirstCry and Unicommerce which sold shares responded to the IPO
दमदार बाजार पदार्पणाचे नवउद्यमींमध्ये नव्याने पर्व; ओला इलेक्ट्रिक, फर्स्टक्राय, युनिकॉमर्सची सूचिबद्धता फलदायी
Cyber Crime
Cyber Crime : सॉफ्टवेअर इंजिनिअर जोडप्याची १.५३ कोटींची फसवणूक, गोल्डन अवर्समधील कारवाई, ५० खाती गोठवली अन्…! पोलिसांनी कसा काढला युकेतील स्कॅमरचा माग?

टीझरमध्ये पांढऱ्या रंगाची बाईक दाखवण्यात आली आहे. बाईकच्या इंधन टाकीमध्ये ग्राफिक्स देण्यात आले आहेत. बाईकच्या इंधन टाकीला सुरक्षित ठेवण्यासाठी साइड फ्रेम्सही देण्यात आल्या आहेत. कंपनीने या बाईकमध्ये एक छोटा सायलेन्सर दिला असून त्यावर सिल्व्हर सायलेन्सर गार्ड बसवण्यात आला आहे. बाईकचा टेल सेक्शन बर्‍यापैकी स्लिम आहे आणि त्याच्या मागे एलईडी टेललाइट मिळणे अपेक्षित आहे.

(हे ही वाचा: मोठ्या कुटुंबांसाठी परफेक्ट असलेली ‘ही’ स्वस्त सात सीटर कार खरेदीसाठी लागल्या रांगा, २६ kmpl मायलेज, किंमत फक्त… )

कधी होणार लाँच?

हे मॉडेल १ नोव्हेंबर २०२३ रोजी बाजारात सादर होण्याची शक्यता आहे. Royal Enfield Himalayan 452 मध्ये ४-व्हॉल्व्ह हेड आणि DOHC कॉन्फिगरेशनसह ४५१.६५cc लिक्विड-कूल्ड इंजिनद्वारे समर्थित केले जाऊ शकते. असा अंदाज आहे की हे इंजिन ८,०००rpm वर ३९.५७bhp चा आउटपुट आणि ४०-४५Nm पर्यंत टॉर्क देऊ शकते. याशिवाय यात ६-स्पीड गिअरबॉक्स असण्याची अपेक्षा आहे. या बाईकची लांबी २,२४५ मिमी, रुंदी ८५२ मिमी आणि उंची १,३१६ मिमी असू शकते. त्याचा व्हीलबेस १,५१० मिमी असू शकतो. तर एकूण वजन ३९४ किलो असू शकते.

या नवीन बाईकच्या ब्रेकिंग सिस्टममध्ये पुढील आणि मागील दोन्ही डिस्क ब्रेक असतील. यासोबतच ड्युअल चॅनल एबीएस देखील असेल. या बाईकला USD फ्रंट फोर्क्स, मोनोशॉक रिअर सस्पेंशन, राइड-बाय-वायर तंत्रज्ञान आणि स्मार्टफोन कनेक्टिव्हिटीसह डिजिटल इन्स्ट्रुमेंट क्लस्टर यांसारख्या वैशिष्ट्यांसह सुसज्ज केले जाऊ शकते.

किंमत

मीडिया रिपोर्ट्सनुसार, असा अंदाज आहे की, आगामी Royal Enfield Himalayan 452 ची किंमत २.५० लाख ते २.७० लाख रुपये (एक्स-शोरूम) दरम्यान असू शकते. ही बाईक लाँच झाल्यावर बाजारात 452 BMW G 310GS, KTM 390 Adventure आणि Yezdi Adventure सारख्या बाइक्सशी स्पर्धा करेल.